Awi! ka lalṭhian- 1

Tuna ka story tur hi a character changtunu te ṭhian ho hi an awm veka, an story min ziah tir phal hi ka lawm takzet e.😇

"Nûi, Nûi tho teh, a tlai tawh nia" tih thawmah chuan ka harh a, kawngka a rawn beng dat dat bawk. Mahse hre lo derin ka maimichhing lui ngat ngat a. "Nûbawih tho teh, a tlai tawh. Chaw ei kan duh nia" ka tel lovin ei ve mai rawh se. Mut leh tum chuan ka maimichhing ngat ngata. "Nûi, i harh tawh tih ka hria nia, tho mai mai teh" kan zawlnei leh ṭan dawn e. Lukhamim ka beng ka hup tlata, kawngka chu a chumin a rawn chum tawhin ka hria.

Rei vak lo hnu ah chuan a reh ve mai bawka, lukham la sawna thlamuang taka mut leh ka tum a, ka mu rêng bawk. Mahse maw... "Nula thawh a hun eeee... tho ru tho ru" tihpahin steel plate leh fianpui chu an khawng ta teh reng a nih kha!!

Awi ka beng a na vek theiin ka hria, ka lukham chuan ka beng te chu ka hup a, ka lu te chu ka nawrbet thul. A chawl duh ṭhak lo nia!! A tawp a tawpah chuan ka tho ta nge nge a? Ka chhuak chu phawk hra in min lo la en zui.

"Eng nge?" ka ti a. "Ramnghinglo phûng i hmu nge thlahrang i hmu zawk?" a rawn ti a. "Eng nge,tuai pawh ka intuai fai hma hma in i rawn bei bengchheng êm a nih kha" ka lo ti ve a. 

" Nula a pumpa tun thleng thleng mut tur a ni ngai lo, tuman an mo atan an duh lo mai ang che"a ti leh tawh, hneawm mang e. 

" A ho eee, tu mo mah ka ni lo nga nimai lawm"tihpahin room chhung ah chuan ka lut leh a. "Ramnghinglo hmeichhia i nih hi mipa ni lo in, hmeichhia chu pasal te neia fate enkawla chhungkaw uap lum tur a din kan ni a" ṭan leh dawn ta. Zing kar aṭang sermon ngaihthlak ka peih teuh lo mai. 

Bathroom ah chuan luhsanin ka in phihfai a, ka chhuah leh chuan ka nu chuan min lo melh rûn a, "eng nge?" tih nan ka mitko ka san khum âk a. " Ka biak lai reng che in thil dang min tihsana, khatiang kha a ṭha lo, ti tawh reng reng suh ang che." Um-hmm kan ṭan leh dawn e. 

" Aw le aw le, chhuk ang, chaw ei kan duh tawh i ti nilawm ni?" tihpahin ka kai chhuak dawt dawta, room chu kharin inhnuaiah ka chhukpui nghal. 

Inhnuai ah chuan ka pa chu thingpui in chungin Vanglaini a lo chhiara, a bulah chuan api leh apu an lo awm bawk. Ka pi leh pu ka hmu thut chu ka au hluai a, an lo nui hawk hawk. "Pi, in lo zin elo! awi van nuam tak, engtik thleng nge in awm dawn?" ka tih zawm nghal mawlh mawlha. Ka nu'n min melh rum hrep pawh chu ka hmu lo der tlat. Ka pi leh pu chu ka be zawm mawlh mawlh a, ka ṭawng zat zat reng bawk. 

"Lo phei ru, chaw ei kan peih tawh e" ka nu chuan a rawn ti a, ka tho tharh choka lama phei mai ka tum chu ka nu chuan min lo pawt dinga, an phei zawh vek hnu chuan. "Khatiangin vawikhat mah awm tawh reng reng suh, a mawi lo lutuk, puitling i ni tawha tih tur a awm chuan, hre lo der lo a ti vat tur zawk i ni"a ti a, ka bu liam vel mai mai. Ka ril a ṭam tawh lutuka, ka nu thusawi kha ka benh lehlamah a lut a, lehlamah a chhuak leh nghal vek.

Chaw chu kan ei taa, kan chaw ei lai chuan ka pa chuan api te chu a engtik thleng nge an cham dawn tih a zawta, kar 1 bak cham an tum loh thu an lo hrilh ve mai bawk. Ka nu te hi Buarpui khawchhuak an ni a, ka pa te erawh Aizawl mihlun an ni thung. Ka pa hian sawrkar hna a thawk a, ka nu erawhin zirtirtu hna a thawk thung. Hmeichhe kum 19 mi ka ni a, Aizawl veng pakhatah kan awm ve mek a ni. Vawiin aṭang hian college ka kal ṭan ve dawn a.

Kum 5 mi ka nih aṭang in Kolkata ah ka awm a, tunkum khan college kal turin ka rawn haw leh chiah a ni. Ka nu hian min ngai thei hle a, mahse hun awl a nei loh avangin a rawn zin hman ngai lo a, keipawh ka haw ngai chuang lo, tunkum hi kum 14 hnu a Mizoram ka rah leh hmasak ber na a ni. Mizo tawng erawh ka thiam nal phian.

College kal tur chuan ka insiam taa, ma mizia hi nû tih ai chuan pâ tih lam ka pawl zawk maha, patil emaw min lo titawk an awm bawk. Mi tu pawh ka nel hma em em a, ka thawveng hle bawk. Ka harh ve hle a, a pawisawi zawngin ka harh ziah bawk.

Ka insiam zawh chuan inhnuai lamah ka chhuk a, ka pi leh pu te chu ka bye bye a, ka pi chuan min hui hnaia, ka phei vat. Pawisa hi min pe a, 500 a ni a, ka khi sak a, "ka lawm e aw pi" tiin a biangah ka fawp zauh, ka nu'n min lo auh tak avangin ka kalsan ta a. 

Pawna ka chhuah chuan ka nu chu a lo inpeih at tawha "kal nghal ang" tiin car chhungah chuan a luta, keipawh ka ṭhu lut vat, a hma ah chuan ka ṭhu a, ka nu hian driver lak a duh tlat lo a. Amah hian a khalh mai zel a, khawi school ah nge a thawh kha aw ka hre leh tawh lo, private school chu a ni in ka hria amaw..

"College i kal ve tawh dawna, bung thar i kai ve tawh dawn a, insual tihte kha college ah chuan a tihchi miah lo nia, bakah heti laiah chuan mi sawisep an ching a, hmundangah pawh ni tho mahse hetiang lai angah chuan an sawi hma bik. Bakah hmeichhia nih chuan nun uluk a ngai hle a, ho te te pawh hi hmeichhe tan chuan mualpho na thui tak thlentu a ni thei a nia"a ti dap dapa, keipawn ka lo ngaithla uluk ve khawp mai.

College kan thlen chuan car aṭang chuan ka chhuk a, ka nu ka bye bye bawk. "ṭha deuhin aw" tiin flying kiss min pe a, an school lam a pan ta a.

College gate kawtah chuan ka ding a, "i ṭan ang hmiang" ti sapin ka lut ta a. Mi chuan min ngaihsak lo tih hriat takin a ṭhen an lo nui bawk bawka, an ṭhen an lo inkuah chial a, a ṭhen an lo indin chulh rûn bawka, indaih ve hlawm chiang alawm.

Ka classroom tur lam chu ka pan nghala, a hnungber chu ka pana, mahse midang an ṭhut tawh avangin a hmasa ber aṭanga chhiara a pa li na ah chuan ka ṭhu ta a, an rawn lut ṭak ṭak a. Professor a rawn luh hnu ah hmeichhe pakhat hi a lo lut a, a pheikhawk hrui a rawn suih nawk nawk bawk. 

Kan lo en ṭhup a. Zah hmel zet hian a rawn luta, Prof chuan "Hlute, ti nge i va tlai ve?" a rawn ti a, "Nia umm vawiin ah ka nî te an lp thlenga, kan buai lutukin ka theihnghilh daiha" nuih tlawn ti tihin a en a, Prof chu a meng nûr deuha, engmah a sawi zui ta lem lova.

Ṭhut na tur chu a zawng kual a, mahse tumah chuan an lo ṭhut tir duh lo a. Ka bul chu ala awl avangin " Hlute" ka ti a, a rawn hawi vat. Ka kutin ka lo hui a. Nui ver ver chungin a rawn ṭhu a. 

"Ka lawm e aw" a ti a, "a ho lutuk, tu nge i hming?" ka lo ti thunga. "Lalnunhlui ka nia, Hlute tiin min ko ṭhin a, nang tu nge i hming ve?" a lo ti let ve bawka. "Ramnghinglovi ka nia, Nûi tiin min ko rawh" ka ti a, a nui hak mai. 

Prof in class a lak zawh chuan kan chhuak sap sapa, keini pawh Hlutei nen chuan pawn lam chu kan pan ve a. College hnunglam deuhah chuan thingkung lian tak hi a awm a, chumi hnuaiah chuan ṭhut na hi a lo awm bawk. Chulam chu kan pan nghal chat.

"Khawi vengah nge in awm a?" a ti a, "Mission vengthlang ah" ka tih chuan, "ni maw, keini pawh kan awm asin, khawi lai vel takah nge in awm?" a ti a. "Ka rawn awmna hi a la rei lo a, tunkumah ka rawn awm ve chauh a" tiin kan awmna vel chu ka sawi a. 

"Ahhh.... avan mak, kan in awmna lai vel nih chu, in in(house) i sawi dan phei chuan kan ṭhenawm ah lawm in awm" a ti a, mak kan ti dun kher mai. Kan nui ta ringawt. 

Class ṭan leh a hun dawn avangin class lamah chuan kan kal leh ta a. Class kan va lut chu hmeichhe pakhat ke palin Hlutei chu a tlu thlawpa, chumi te chu an lo la nui zui, ka kaitho vata, "Hlute i ṭha em? na i nei lo tiraw?" ka ti sawk sawk a. 

A rawn hawi chhuak chu a mittui a parawl kuam mai. A kiu chu min hmuh a, ka en chuan ka rum nghut. A kiu chu khawiah tak nge a tai tih pawh hriat theih lohin a lo kak a, a thau pawh a lang thei.

"ti rawh nurse room ah kal ang" ka ti a, min chhang lo. A rawn tho chhuak a, nurse room lamah chuan ka hruai a. Kan va thlen chuan an lo buaipui nghal sawk sawk a. Keichu classroom lamah ka phei leh thung.

Classroom ka va thlen chuan nichin a hmeichhe ho kha ka zawnga, tlar hnung berah chuan mipa ṭhenkhat nen an lo awm a. Ka pan phei nghal.

A samah chuan kek in ka phih dawra, "Eng nge buaina i neih a?" ka ti a. A sam chu na zetin ka vuan bawk. Ka kut chu a rawn vuan let ve a. "Mawh? min chhang ta che. Eng nge buaina i neih? Engvangin nge khatiang khan i chet a?"ka ti tuar a. A nui hak.

" Ka bialpa mit lak tum reng rengin a awm a. Ka bialpa min chhuhsak a tum a nih kha" a lo ti let ve a. A sawi zo chiah chu a biang a ri thlawp.

Ka kut pawh a thip vawng vawng thei nia. Ka phih thlu nawk a, ka hnuk kual hrep dawn. A samah chuan ka kek a, ka hnuk kual ka teh rêng a nih kha. A ṭe ring tuar tuar teh sin. Prof rawn lut chuan min rawn ṭhelh a. Hlutei pawh chu kawngka ah chuan a lo ding reng.

"Duhtawk rawh. Eng nge i hriat?" a tuar a, ka nui hak. " Ka hriat hriat ka hria"ti hmakin ka ṭhut na lam chu ka pana, bag chu la in Hlutei chu ka nuih saka, ka kalpel nghal.

Corridor ah chuan ka kal hmawk hmawk a. "Nûi, lo ding teh. Nûi" rawn ti ri vang chuan ka dinga, ka hawi let chuan Hlutei chu a rawn tlai phei dawr dawr a. 

"Min lo nghak rawh, keimah vangin i insual ringawta, buaina ah i inhnuk lut dawn nia aw." a ti a, "A ho emai a" ka lo ti thung. "A thu hrimah i van bawn em em"a rawn ti leh a, kan nui ta hak hak a...

(So boring!! Zanlamah ka peih chuan ka lo khiuriu leh ang cheu. Comment in taimak a ngai nimai. 😌)