Awi! ka lalṭhian. Chap- 2

Class ah pawh let tawh lem lo in kan leng kual vela. Khawpui min fanpui a ni hrim mai. Class ban a hun awm velah chuan kan haw a, kan veng a in an avangin kan haw duna. "in in(house) lamah chuan kal chhin ang, kan sawi dan aṭang khan kan inhnaih hmel tlat" ka ti a. Ani pawh chu a kal ve mai. 

Kan kal thui tulh tulha, mak ka ti tulh tulh. A chhan pawh kan in panna kawng pakhat ang vel hi a ni. Kan in(house) pawh ka hmu thei tawh.

"Hlute, kan in lam panna kawng pakhat a nih hi" ka ti ta nge nge a. " a ni maw? kan in lam panna kawng tho a nia" a ti ve a. Mahse in tamtak a awm avangin kan inṭhen awm kher em ka hre lo. Mahse kan inhnaih dawn tho a. Ṭha tho lawm.

Kan kal zela, kan inkawtah kan chhuak hlawl! "saw saw kan in chu nia" tiin kan ṭhenawm chiah chu a kawk a. Ka nui hak. " Hei kan in alawm. Kan lo inṭhen awm reng a nih chu"tiin kan nui ta hak hak a. 

" Awi! lalṭhian a mak e tiraw. Engtin nge kan lo inhriat loh theih le?" a ti a, a nui hak hak reng bawk. " aa kan pawn chhuak lo dun em lawm" ka ti a. A ni rêng bawka, Mizorama ka awm hnu hian ṭhian ka neih loh avangin ka chhuak ngai lo a. Ka nu leh pa te ruala ka chhuak te a nih ngawt loh chuan. 

"nia, ni ve reng. Phawtzz aw.. naktuk ah chuan kal rual tum ila" a ti a, "nia, mahse lirthei engmah ka nei lo nia" ka ti a. " Don't worry bae... scooty ka nei lawm. Mahse ka accident tawh avangin ka khalh ngam tawh lo a. I khalh dawn nia" a rawn ti a. " ok, ṭha vek e" ka ti a. In bye bye in kan in ve ve ah chuan kan lut ta a.

Kolkata ah khan ka pate a khan bike a nei ṭhin a, a hriat lohin zan reiah la chhuakin ka in race ṭhin. An hre ngai miah lo nge, an hre lo der zawk, tuman an sawi ngai lo a, min hau ngai lo. Mizorama ka awm takah chuan in race na tur ka hre tawh lo a. Bike pawh ka nei bawk si lo a, zanreiah phone ka khawiha, khumah ka mu ve reng zel. Kolkata lama ka ṭhiante ho ka be ṭhin a. Mahse ṭhianṭha tak ang an ni hran lo.

Ka room ah lut nghal in shower ka nei a. Ka inthlak a, t-shirt lian lam mah leh kekawr bul ka khup thleng chiah chiah ka ha a. A nuam ka tia hetiang vel hak hi.

Inhnuaiah chhukin choka lamah ka phei nghal a. Eitur ka zawng nghal. Engmah kan la nei lo zui. Kan awmpui U Saii chu ka zawta. "U Sai eitur engmah kan nei lo mi?" ka ti a. A bu nghat. "Kan stock sa i ei zo vek lawm" a ti a, a nui hak hak. Keipawh ka khi ve suk. 

U Saii nen hian kan innel em em a, ka awmna la rei lo mahse ṭhian kawm tur nei ta lo nafam chu, ka kawm a, kan titi a a naupan lai chanchin te min hrilh ṭhin. Thingtlang aṭanga rawn awm an ni a. Anu leh pate chu an lo kal kha an lo haw mai loh avangin an zawnga, an thlamah thi in an va hmu ringawt a. A patea te bulah a awm a, a patea fapa in a beisei ṭhin a. A nutei te bula a sawi lahin amah chu an puh let hlauh zela. Ka khawngaih tak tak a ni.

Kan titi char chara, a eirawng bawlna bulah chuan ka lo ṭhu ve reng a. Eng em em mah ka tihpui lem hlei lova.

Ka nu te lo haw chuan chaw ei kan peih nghal ang a ni mai. Ka pi leh pu ka hmu lo erawh mak ka ti ang reng.

Kan chaw eilai chuan ka zawt ta a. "nu, khaw nge api te hi?" ka ti a. "vawiin ah khan an haw leh thut a nih kha." a lo ti ṭha ve mak bawk. 

" ngati nge? a hrim hrimah ti nge an haw tihte pawh engmah min hrilh lo a" ka ti a. Ka lung a awi lo. 

" Nia, an haw deuh thut mai. I putea te khan an rawn ko haw rum rum sia. Anni pawn tih ngaihna an hre lo viau a ni" a ti a. " Ummm nih chu" ka ti ringawt. 

Chaw chu ka ei khama inchung lamah ka chho a, ka room ah ka phone la in inchung zawl lam ka pan nghal. Thli a lo thaw heuh heuha. A nuam takzet.

"Ka phone chu a rawn ri a, number hlang a ni." thil pawimawh a nih takin tiin ka la a. " Nui lo hawiphei teh" Hlutei aw hian a rawn ti a. 

"khawi lamah?" ka lo ti hû thung. "aw... (a chek hlaka) kan in lamah lo khawilai lamah nge hawi tura ka tihche i rin a" a rawn ti hlaka, a nui hawk hawk bawk. Keipawh ka nui ve ringawt. 

An in lam chu ka hawiphei a, an inchung zawlah chuan a lo ding ve tho a. "Eng nge i tih a?" phone aṭang tho chuan ka ti a. Ka bye bye bawk. 

"Engmah hei inchungah hian ka ding mai mai." a lo ti a. "Vawiina i insual puinu kha i hrechiang lo a nih kha" a ti a, a ngawi leh vung vung bawk sia.

" Sawi la" ka lo ti a. " Ammmm... um nia,, khanu kha principal unau nu fanu a nih kha" arawn ti a. " Chuan.."ka lo ti ringawt. " a dawheh sia, principal hi dawt phuahchawp ngawih ngawih hi a lo hrilh ṭhin a, chuvangin principal hian pawisawi lo a hau hnem tawh lutuk, suspend pawh a nei nual tawha, chu chu ka hlauhpui deuh che a" a rawn ti a. Ka lo nui hak.

" aww duh leh dáwt sing sang sawm pawn min hek se. A sawi ang ka nih loh chuan a tawk. Mi te chuan an duh duh danin ngai rawh se. Mihring kan nih chhung leh khawvel a nih chhung chuan ngaihdan kan nei vek dawn" ka ti a. " I thaw dik thei hle mai ka duhnu hi" a rawn ti ngei. 

" kal mai teh" ka lo ti hlak. Chutiang thu ho te te sawi chuan kan inbe rei ta zêk a. " awi!! Hlute thil hriatchhuah ka nei, photzz" tiin phone chu ka daha, inhnuai lamah ka chhuk thla nghal. U Saii chuan thleng a lo sil zo chiah a. 

" awi u Sai ka ṭhiannu nen kan inbia a, ka lo theihnghilh daih a" nuam lo ti deuh a ka tihchuan " a ho lutuk, thil harsa a ni hran hleinem" a ti a. U Saii hi chu aww a fel ve ngawt mai.

"Bawihi ṭhiante i chhar tawh amaw?" ka nu chuan a rawn ti a. "aw kan ṭhenawm ti ila kan in bula mi te hi an nia" ka lo ti ve vat bawk a. "Ṭhian i siam nghal thei chu a lawmawm a nih chu, vawiin lamah buaina te i tawk em? nge buaina chawk chhuaktu i ni leh zawk?" ka mitah tak en pahin a ti a. 

" Amm nia" tiin vawiin a thil thleng vel chu ka hrilh vek. Ka sawi zawhah " a awmdan kha ka ngei em a nih kha, ka thiamlohna pawh awm lo" ka ti tel hram.

Ka nu chuan chek tlat tlat chungin min en a. Ka pa erawhin a kut a beng thak thak. Ka nu chuan ka pa chu rum theih tawpa melhin " khatin ti ziah suh, khatia i tihziah vang a nih kha insual a sim theih loh" a ti vin ṭhak a. Ka nui tet tet.

" nu ti daih ila Mizoramah hian bike race te hi an ti ve ngai em?" ka ti a. Ka nu chuan rum deuha min melh pahin "eng atan nge i tih? tel te kha i tum reu reu ang e, ka phal miah lo a nia" a ti a. Ka rilru chuan i phal loh thil tih ka ngah tawh emaia, ka lo ti leh thawt thawt tawh.

" dawn lo dawn lo, ka hre ve chak mai mai Kolkata ah kha chuan ka ṭhiante kha an in race ṭhin a" ka ti a. "Umm race ve ṭhin e. Mi hausa fate ho an in race ṭhin" a ti ṭha ve mai a.

" khawi ah?" ka lo ti leh hram a. " Kal ve i tum em ni?" a rawn ti a. " a mak eee ka kal dawn lo ka tih mawlh mawlh kha. Fate rinna chhet pawh nei lo" ka ti hlar a. " Ka rin loh vang che a ni hleinem, Tuirial ah an inrace ṭhin" a ti a.

Ka nu hi chuan min hau vak vak ṭhin tak naa, ka tihtauh khum chang hi chuan awm ngaihna a hre lo hi a ni deuh ber mai. 

E in lo la hriat loh takin keihian pianpui unau mipa pakhat ka nei a, ka u a ni. Mahse ani erawh vanduai thlak takin kum 4 a nih laiin cancer vangin a thi a. Eng cancer nge tih erawh ka sawi dawn lo.

Ka room lamah chho in khum ah chuan ka mu a. Ka phone chu a rawn ri a, min rawn call tu ka en chuan number hlang a ni. 

"hello" ka ti sapa. "Nui ti ge nichin khan i va hmanhmawh vut vut ve" a rawn ti a. " Nia, kan chaw eina tihfel a ngai tih ka hrechhuak thut a" ka ti a. A rawn nui hak hak mai. "i kim lo a nih kha, i minute thum dab ât a chhuak a nih chiah kha. I mawngah saum tatin mi hmak rawh" a rawn ti a. " I chhe mai nih chu a" ka ti vak.

"Nga ti nge Mizoramah hian rawn haw i duh thuta, Kolkata te chu zirna lamah pawh a ṭha zawk awm sia" a rawn tia. " Nia ka chhungte ka ngai ve tawh alawm" ka ti a. Mahse dik taka sawi chuan chu chu a chhan a ni lo.

Ṭhiannu ka neia, Mizo ve tho a ni. Ka hmangaih a, ka duhsak em em bawk. Mahse ani erawh min hmangaih ve lo a niang. Min lo rel nasa thei lutuka. Kutkem nei ang ten min lo sawia. Ka hmai chhanah ngei tihian min sawi khuma "i mizia vang khan mi tamtak chuan an ngaina turah che i ngaia tiraw? Mahse tuman an ngaina tak tak lo che. An ning zawk che, ka ṭhian tih pawn min lo sawk tawh suh, i ṭhian ka ni tawh lo ni lo engtik lai mahin i ṭhian ka ni ngai lo zawk" tiin ka rilru a na takzet.

Chuvangin Mizorama rawn haw ka duh taa, ka nu leh pa te pawn min lo ngai sakhai ve bawk nen. Ka pate a fanu ka cousin hian a ngei ngang ni tur a ni. A lo sawisa a ni awm e. Ka hriat tirh chuan ka nui vak vak mai.

~~skip~~

College ah chuan kan luta, mi chuan min lo en hrek hrek mai. Class kan thlen chuan Hlutei chuan "Nui, nimin khan homework kan nei a nia" a ti a. A lehkhabu a phawrh nghal bawk.

Assignment chu a ti a. Keipawn ziah tur ka ngaihtuah ve char char bawk. Ka ngaihtuah pah chuan ka pen chu ka ti vir kual a. 

"ahh!! Nui i van thiam em em. Engtin nge i tih theih a?" a rawn ti a. A lam ka en vat. " Eng chu?" ka ti a. " Pen kha, i van thiam" a ti a, ka khi sak. " Ka zir alawm, ka zirtir ve ang che"tiin tihdan chu ka hrilh a, a ti ve chhin a. A pen chu a thlauh palh ta a. A lum duh phian lehnghal. A lumna lam chu kan en phei zela. Hmeichhe pakhat ke bulah hian a tawp chat. Chu nu chuan a chhar a, a rawn hawi chhuak bawk. Chu nu bulah chuan hmeichhe pahnih kawngka aṭanga rawn lut te chu an rawn ding ve bawk a... 

(ka felzia hi, muthlu lek lekin ka type sak cheu nia aw... A tawp dan khi a nawi maithei. Nuin dah hma turin min rawn ti sia...😁 chuan maw blog hi ka la khawih thiam loh avangin in comment pawh ka hmu thei lo a hrem. Whatsapp group lamah leh FB lamah comment mai ru aw. Comment taima deuh deuh chu ka hre khiau a nia🙃. Chuan pic hi nimin khan kan edit hman lo a, tunah ka rawn dah leh hnuhnawh😁)