Awi! ka lalṭhian. Chap- 3

Chunu chu a rawn nui ver ver a, "Hei hi in pen em ni?" a rawn ti a. Ka lo bu nghut. Nui ver ver chungin kan lam a rawn pana, pen chu min rawn pe a. "Tetei ka nia, vawiin aṭang class kan rawn kal thei chiaha, nimin khan ka rawn thleng chiah" a ti deuh nghal bawrh bawrh a. 

A mizia chu te chu a, ka duh chi. Min nel nghal khawp mai. A ṭhiante pahnih pawh chu an rawn kal hnai ve a. Tetei chuan pakhat zawk sam thlah zawk chu kawkin "hei hi Sawmtei a nia" a ti a, a sam sang taka ṭawn zawk chu kawk lehin "hei hi Bethsyi a nih hi" a ti bawk a.

"A nih chu mawle, khawi aṭang maw in lo haw chiaha," ka ti a. "Aa aw Kolasib ah kan zin a" a ti a. "Umm ee tak a! Kei hi Nui ka nia mawm.. chuan hei hi Hlutei a nih hi, lehkha thiam thei" ka ti a. Hlutei chuan ka hnungah a rawn beng kawra. "Over lutuk" a ti hlaka.

"Nui maw,a van nalh ve. Khawiah nge in awm a?" a rawn ti leh a. "Mission vengthlang ah" ka lo ti leh vat. "Veng khat ami in nih?" a ti a, "um" tiin ka bu nghat. 

" Keini chu Edentharah kan awma,veng khat vek tho kan ni" a ti a. Keini pawh kan lo bu ve leh nghat.

Thil ho te te sawiin kan ti ti ta char chara, an ṭawng duh hlawm bawka. A nuam ka ti, nu zêm an ni lem lo bawka, kawm nuam ka tih chi. Sual rawng bawl pui theih tur chi kha. 

Homework vel kan ziah mawlh mawlh lai chuan hmeichhe pakhat a incheina pawh class em em hran lo, ṭawng kam mawi lo ni lo se. Zahzum hmel tak hi a rawn lut a, tlar hnungbera ṭhut na lam chu a pana. Ngaihven em em chhan tur a awm loh avangin kan ngaihven zui hran lo.

Mimii te ṭhian ho chu an rawn luta, Mimii hi hman ni a, ka hnuh kual hrep nu kha a ni. A inchei nasa sia, mahse zep thu a cheng lo, a hmelṭha thlawt. A in thuam erawh hmeichhe awm ṭha duh lo a ang. Pawnfen chhing tei tawi. A mawng lang lek lek a chhing hi a fenga, kamis var sar a ha bawka. 

A kamis chung lam chu a hnute lang lek lekin a kilh lo bawka. Leather jacket nalh zet hi a hote chuan an ken sak bawka. An inchei dan tur vel chu in hrethiam mai em?

"Hey nangnu kha, mithar nu kha" tiin min rawn kawk a. " Keimah hi maw min biaka?" ka lo ti a, a thinrim hmel kher mai. "Aw nangmah kha, nangmah ngei kha" a ti a.

" aw, a nih chu sawi la" ka lo ti liam puata. 

" Kei hi min en rawh, khatiang mai mai khan min palzam suh aw, he college principal hi ka pu a nih hi" a ti leh tuar a.

" aw a nih tak chu mawle" ka lo ti leh mai. A thinrim hmel tawh kher mai.

A rawn nui ta vak vaka, a nui mawi phian lehnghal. "hre rawh, suspend i ni thuai dawn" tiin a khi sâwng a, hmelchhe hri hre reuh mang e.

"oh a ni maw? mahse eng ai ah ngawt nge min suspend ang?" ka ti a, homework chu ka ziah zawm nghal mawlh mawlh.

"a chhan chu kei min sual vang in" a ti a, an ṭhut na lam an pan ve ta. A lawmawm e. A ṭawngthei si, a rawl a ring si. 

Homework kan ti zo a, kan tih zawh rual chiahin prof a rawn lut ve nghal. A chhe lo em em mai lehnghal. "saw saw prof Famkima nih saw" Sawmtei chuan a rawn ti a.

Mak ti deuhin ka en a, "a lar alawm, mahse nupui a nei tawh" a ti leh mai a. Keipawh ka bu nghut. Class zawh chuan Hlutei nen kan spot lamah khan kan kala, tumah an lo awm lo. 

Bethsyi chuan "awi! dear, avan nuam em em" a ti a, a kut a phar hliai bawk. Thli rawn thawt dan zawng chu a dik ve êm bawk a ni.

"nia, a nuam reuh tawp. Tuman min chuhpui lo turah ngai ang" ka ti a, ka nui bawk. An nui ve hawk tho.

"ti daih ila, Mizoramah hian in inrace ngai em? Bike race ang chi hi?" ka ti a. Hlutei chuan "mi hausa fapa te chu in race ṭhin e, in race ve te kha i tum ringawt ang e" a ti a, ka nu ang mai. 

Sawmtei chuan "i inrace ve ṭhin mi?" a rawn ti a. Hlutei ka melh zeuha, ani erawh chuan min lo enkar thunga. "Umm ti ila Kolkata ka awmlai khan ka ṭhiannu a in race ve ṭhin a" ka ti a.

"Keini pawh an in race na ah kan kal ve ṭhin,mahse kan in race ve ngai lo thung" a ti a.

Hlutei chuan " in race in race tih a ngai lo. Pawisa chawia in race te a nih phei chuan, mi hian midang han tih tluk mai te hi an hreh reng reng si lo a" a ti hmawk hmawka. 

" Ka nu ang mai" ka ti a, a rawn nui hawk hawk. "keite chu... ṭhian ho nu ber lawm ka nih" a ti a. Ka nui sak.

"Kan ṭhian ho hming the ṭhian ho" ti a nui hak hak chungin Tetei chuan a kut chu a rawn daha, a chungah kan dah ve vat. "Friends for life" tiin kan kut chu kan phar dual a..😆

" Bialpa te in nei hlawm em?" Sawmtei chuan a rawn ti a. Ka lu ka lo thing mai. Hlutei erawh a lo bu nghata. A bak chuan kan nei lo a nih hmel.

"Hlute,i nei maw?" ka lo ti haw a. 

"umm nei e" a ti a, a laih hmel takzet...

(ava tawi ve tiraw😁min hrethiam ru aw... chuan ka hmandan azirin story.fb lamah *HLIAMTU MAH NI SE* tih ka dah maithei a, in lo chhiar ṭheuh bawk dawn nia...)