Awi! ka lalṭhian. Chap- 4

(Zanin hi chu vawiinah thil eng emaw lawmawm deuh a thlenga, chumi lawmna chu nih hi. Sunday zan dangah chuan ka awl ṭhin ang aw.)

Awi! ka lalṭhian - 4

Ka nui a, kan nui ta vek. "Awi ka rin loh berin i lo nei ta sia maw" ka tia, ka nui hak hak bawk. Ka rin loh berin a nei nulh bawk sia. "Tu nge a?" Tetei chuan a tia, "nia tu nge a? " hre chak deuhin ka lo ti ve bawk. 

" ka sawi duh lo e a" ti leh ta tlat! buaithlak thei ee... " Lalnunhlu induh vel lo mai teh aw, sawi mai mai rawh. Makpa interview te pawh neih kan duh maithei a"ka tih leh chuan " Ramnghinglo i over lutuk, zak teh aw zak teh, chutiang sawi rual pawh in la ni lo"a rawn ti chiam a. Hlutei hi keini ai kum 1 in a upa a, a puitling phian bawk.

" het.. topic thlak tum suh"Sawmtein a lo ti ve vat. Hlutei chuan Sawmtei chu a melh rawm a, Sawmtei lah chuan eng atan mah a ngai lo tih a hriat viau mai sia. "aa ka sawi duh lo, ka sawi chuan min ti zak palh ang"a ti a.

Bethsyi chuan a hnungah beng kawrin "sawi mai mai teh, kan be kher dawn hleinem" a ti a, kan lo bu sap sap hlawm. "thluak in nei lo hlawm sia" tiin a nui uar uara. A lu ah tak nam bu lawpin " Lalnunhlu sawi mai mai rawh, ṭhian kan nih angin a ṭha em? i tan a ṭha ngem? a mizia duh loh laite kan nei em? tih vel kan lo enfiah anga, FBI agent kan nih lawkte a ngai dawn lawm mawle" ka ti duaha, min melh vung vungin. " i â tawh tak tak nih kha" a ti duh chauh lehnghal.

" sawi mai rawh" tihpahin Tetei chuan Hlutei chu a lock a, keini pawn na lo te te in a lu ah kan beng tliar tliar bawka. "khaw maw a tawk a tawk, ka thaw ṭha thei lo nia" a rawn tihchuan rang deuhin a thlah vat. Thawk an la vang vanga.

"ka ti mai mai nih kha, khawilama bialpa mah ka nei lo, nei ila chu ee in hre hmasa ber ang"a ti a, a sawi zawh rual rualin a bu dawr mai. Bethsyi chuan "hmmm i nei tak tak emaw tia, chhui chak tawh nak laia" a ti a. Kan nui ta vek.

" Ka nei lo, ka neih peih chi a ni lo" a ti a. " Nia, keipawh ka neih peih chi ni lo" ka lo ti ve bawka. Tetei te pathum an lo chek hlak. "in â unau emaia" an ti a. "A ho ee nangni pawn in neih bik chuan loh kha a" ka lo ti ve a. Lei ka chhuah khum bawk.

"Eng nge in tih a? class lak a hun leh tawh ni lo'm ni?" rawn ti ri vang chuan kan hnunglam kan hawi vat. A hmaa Mimii ṭhianpa bialpa ka tihna an ṭhian ho chuan kan awmna lam chu an rawn pana.

Tetei chuan "kan lak leh lak loh chuan i pawi a sawi em ni?" a lo ti a," sawi chuang lo e, mahse heti lai hi chu kan spot a nia. In lo awm ta ringawt bawk sia"a rawn ti a. " oh a ni maw, kan lo hre lo nih chu, ti ru i kalsawn thuai teh ang u" Hlutei chuan a ti a.

" aa kalsawn kher a ngai chuang hleinem" an rawn ti ve bawka, mahse Hlutei chuan min kalsawn pui hlawm ta tho. 

"naa ka van ui tak, a khawthlir kha a nuam ropui sia" Sawmtei chuan a ti nang nanga, "nia tiraw, mahse keini ai nei hmasa tu an awm si a nih kha" Hlutei chuan a lo ti ve a. 

" Class kan la neih kha, kal vat ang u class lamah" Hlutei chuan a ti ta zawka. Kan kal nghal. Classroom kan luh chuan an lo explain mek a, Miss Toni'n a lo explain mek hi a ni. A story ziah hi ka chhiar ve ṭhin a. Rca chhiar pawh ka ngaithla ṭhin bawk. Mahse Troublemakers ah khan a la single an ti tlatin ka hria. Love expert a nih ka ring deuh tlat. 😆😆

Class lak lai chuan ka mut chhuah em vangin ka muthlu a, mumang ka lo neia, awi ka mumanga ka mipa hmuh chu maw hmelṭha over bingbilai let thal khup deuh ṭhuai hi ni tawp. Rapthlak zawk khawpin zu hmelṭha a, ka sawi uar ve deuh maithei. Awi!!! ka lalṭhian ih ee kan lo in date nih chu, mahse min rawn sawi nawk nawk tu vang chuan ka harh hlawl! Ka van ui tak.

"Eng nge" tiin Bethsyi chu ka en a, prof lam a kawk zauh zauh a, ka va hawi phei chuan prof Rokunga chuan min lo melh kur mai. "Nui i mutui bawk maw?" a ti a, "aw ka mutui khawp mai" ka lo ti ve mai bawk. "I mutui khawp a nih dawn kha, kha i chil thla luanna te kha" tiin min kawk zauha, rang lutukin ka kun vat. Ka ṭhiante lam chu hawiin "ka chil thli a far mi?" ka ti a.

Anni lah chuan min chhang lo in darthlalang min pe ringawt ka in en chiah chu khawvel! Ka sam chu a thur phirsi chhe bem bum kual vel vek. Angel pops-i sawi dan takah chhim leh hmar,chhak leh thlang a kawk kim vek. Ka biangah lah chuan ka chiltthli luanna hi a lo awm a. awi! ka nu tichung hian prof kha ka hmachhawn chu ni sia. Ka zak leh hnuhnawh mang e. 

Ka sam chu ka siamṭha sawk sawka,a la pheng em em zuia, sam khuih awm bawk si lo a, haw daih te ka duh rum rum. Ka chiltthli luanna ni awm tak chu wipes tê Tetei te lo ken chuan ka hru fai bawka. Tikha chuan tlemin ka confi leh ta deuh e. 

Ka dak chhuak leh chiah chuan prof Rokunga chhuak tur chiah chu ka va hmu a. "awi! ti nge min hrilh loh a? mawhh ka zah zia kha?" ka ṭhiante enkual pah chuan ka ti nghal hlaih hlaih a. "zawk zamah a che,i hnar ring ropui si" an ti a. "ka hnar ngai lo e a"ka lo ti let thung.

" kaihtawh che kan tum nasa lutuk,nang lah chu i tho thei lo lehnghal" tihpahin an indah fel zung zunga, " kal ang u, ka haw nghal loh chuan ka mother-in min vawthlu tawp a ni mai" Sawmtei chuan tiin a ding nghal hluaia, mahse rang tawkin a rawn ṭhu thla lehnghal. "nga ti nge?" Bethsyi chuan a lo tivat a. "pawnah sawn tu emaw an sawisa" a ti ringawt. Ka tho vat. Ka va thlek ve a, corridor-ah chuan an lo awm hut huta, hmeichhe pakhat bag hi an lo inpe kual chu ni in! Ka hmuh chuan ka sa phat.

Ka lamah an rawn vawm phei chu ka lo dawng chata, chu nu bag neitu nu chuan rang tawkin min rawn pan vat. Mi dang chuan an mahni pe turin min au vak vaka, mahse a neitu nu chu ka pe ta zawka. Chu nu chuan "ka lawm lutuk e" a ti sapa, a kun ngar bawk. Mahse a hnunglam aṭang an rawn kuai her lawpa, a bag chu laksakin a chhunga awm chu a bun sak ta veka.

An lo nui ham ham mai. Chu nu chuan a thil vel chu a chhar khawm mawlh mawlha, ka chhar pui ve nghal vata, ka ṭhiante pawh chu class aṭang a rawn chhuakin an rawn chharpui ve bawka. Kan chhar zawh chuan ka ding chhuak a. Ka hawi kual leh te te phawta.

"Nangni,mi hausa fate inti ve si hi in va han changkang love, bully hi changkanna ah in ngai anih chuan maw, ngaihtuah chiang rawh u.A ṭhing lutuk, hmeichhe ho kha mipa hmaa intih no leh nuih thler duai duai bak thiam lo. Mipa ho lah kha hmeichhia tuam hlawma, ṭanpui tur zawk in nia sin. Mahse a ti nawmnah tu zawkah intang hlauha, mipa ni lo in tuai in nih kha" ka ti a, an ngawi ṭhap a reh duk mai. 

Hmeichhe pakhat hian "hey, nangkha tu nge ni a i inhriata? kei hi he college prof fanu hi ka nia sin,nang mi thar ve mai mai lehnghal khan i duh duh rawn sawi suh" a rawn ti a. Ka nui hak. " prof chu nang ni lo in i pa a ni.Nang chu a fanu chauh i ni, i pa kha prof hna aṭang khan a bang thut thei, chutih hunah chuan tu nge i nih ang? Prof bang ta fanu satliah ve mai i ni dawn" ka ti a. 

" Hei hre rawh, mihring hian kan tuh rah lo kan seng ngai lo" tiin classroom lamah chuan ka lut leha, ka bag chu la in ka chhuak nghal nal nal. 

Ṭhing ka tih zawng tak, corridor ka chhuak fel awr tihah ka hmaah tak bike a rawn dinga. Keipawh ka phu dawrh mai. "Eng nge i hriata?" ka ti hlaka. Chupa bike bulah chuan bike dang pali hi a rawn ding ve nghal a.

Chupa chuan a helmet chu a phelh a, a sam chu a tuai puat bawk. A rawn hawichhuaka awi! ka lalṭhian leh!! a hmelchu a ṭha takzet. A ṭha ngawih ngawih tih bak hian ka sawifiah thiam lo. A man bawk sia maw. Ka en renga.

A rawn nui suka, awi! khawvel hi a tawp emaw ka ti hman hial lawm le. Mahse ka hnunglam ṭang " Nui" rawn ti ri chuan a rawn ti bam vek. Ka ṭhiante chuan ka darah min rawn kuaha " i kal daiha"an rawn ti a. Kan hmaa mipa te chu an ngaihsak ve vak hmel loh.

"Nui hey lal nu" tiin Sawmtei chuan min sawi nawk nawka " eng nge?in sawi duh chu sawi vat ta cheu" ka ti hlaka. " I kal nul nul zela"an ti ringawt.

Hlutei chuan "ti ru hmun dangah sawi ang u" tiin mipa te chu a melh zeuha, college hnunglamah min pawt phei nghal.

"Nui i kal ringawt a, kan zawng che lawm" Tetei chuan a ti a. "Eng nge min zawn ve ziah?Ka chhuak laite kha inhmu ve lo mi?" ka lo ti let ve thunga. " awww i kalna tur sawi tawh hek lo che" a lo ti ve thunga. Chutiang chuan kan inchhang ta zela. A ho duh khawp mai. Hlutei chuan a ning ta deuh nge.

"in pahnih khan ngawi tawh teh u, in lamah haw tawh ang u ka ril te hi a ṭam, mut mai mai ka chak tawh teh mai nia"a rawn ti a, keini pawh kan ngawi ve mai.

"i ril a ṭam chuan lo kal rawh, restaurant-ah thil ei ila nimai lawm"ka ti a, " ka peih lo, in a haw a mut ka chak ber tawh" a lo ti thunga. " chuti nih te chuan nu te thu kan hnial ngam nang" ka ti a. 

Garage lam pana kan kal lai chuan hmeichhe pakhat hian ka hnunglam aṭang " Nui lo ding teh u" a rawn ti a, dingin kan hawiphei ṭhap, nichina kan hmeichhe puihnu ngei kha bag ak-in lehkhabu pawm chungin a rawm tlan pheia, kan lo nghak ṭhap. Kan bul a rawn thlen chuan "nichin avang khan ka lawm e aw, mahse keimah vangin buaina ah in luh phah dawn sia" a rawn ti a, a inthlahrun hmel takzet. 

"a ho lutuk, inthiam lo duhsuh khang mite kha ka hlau reng reng hleinem. Bakah buaina ah ka lut dawn a nih chuan nangmah vang ni lo in keimah leh keimah ka inbarh lut zawk a ni ang" ka ti a. " Maw? tak tak maw?" a ti a. Ka bu nghat.

" i hming te min hrilh ve la tiraw?" Hlutei chuan a rawn ti a. "Oh Ruthi Rinmuanpuii ka nia, nangni chu ka hre vek cheu." a ti a, a nui var var bawk. A hmelchu a ṭha reuh tawp. Mahse a vun a nung sar lo, a êng em em lo bawk.

"A nih leh Ruthi nga ti nge khatiang khan an tih reng reng che a?" tiin Bethsyi chuan a rawn zawt ta hlawl. Ruthi mitmeng chu a danglam zawka, mahse inthlak leh vatin.

"Thingtlang aṭanga rawn awm leh hmeithai fanu ka nih vangin a nia, mahse khatiang thil kha chu thil thar a ni hran lo. In rawn luh hma pawn ka tuar nasa he college a ka kal thei hrim hrim hi ka lawm a. Khatiang te mai mai chu ka tuar chhuak thei lutuk" a ti a, a nui sang bawk. Engtin nge a la nuih theih zawk? Mi chhel tak chu a nih ka ring e. E, thil pakhat keini ṭhian ho hian hemi college ah hian 2nd sem aṭang chauh kan kal aw. 

Ka college kalna hi mi hausa college an tih mai ang chi hi a nia. Mi hausa fate ho chauh an lut ṭhin a, mahse tun semester thar aṭang khan scholarship hmangin luh theihna chance an siamsak ve a. Chumi aṭang chuan a nih ka ring Ruthi pawh hi a luh theih, mahse scholarship hmu tur hi chuan lehkha thiam viau a ngai ang.

"A nih leh maw Ruthi ngaih loh lamah lo ngai lo la, scholarship hmanga lut a mi i nih?" ka ti a, a bu nghut.

" Ṭhian te i nei em? "Sawmtei chuan a lo ti ve a. A nui a, " kei ni ang te chu tuman min kawm ve duh hleinem, ka kal phawt ang aw ka ti khawtlai mai mai cheu" a ti a. Min bye bye a, kan chhanna pawh nghak leh tawh chuang lo in a kal nghal.

" Ruthi lo ding teh" Bethsyi chuan a ti a. Ani pawh chu a ding a, a rawn hawi let. A lamah chuan kan tlana. " Kan ṭhian ho zingah hian lo tel ve rawh" a ti a. Ruthi chu a meng kawk. Amah leh amah chu inkawkin " keimah hi maw? " a ti a, kan lo bu nghat." Aih keichu tel ve thei ka ni lo, ka tibuai mai mai ang cheu" a ti a, a lu a thing nur nur bawk.

" Ṭhiante chu chutiang atana awm alawm an nih, kan ṭhian ho zingah chuan lo tel ve rawh" kan ti a, a kun tlat. A hnuk a ulh a nih ka ring. A rawn hawi chhuak leha, a mit chu a sen deuh rum mai." Ka van lawm tak, tuman min kawm ve duh ngai lo a, mahse nangni chu indanglam a ni" a ti a, a insut faih faih bawk.

" Lungngai suh, keini chuan kan vawn tawh chu kan thlah tawh ngai lo a nia" Tetei chuan tiin a kut chu a phar chhuak a. Ruthi pawh chuan a lo vuan ve chat. "ti kha chuan "the ṭhianho"  ah i tel ve ta" ka lo ti a. Ani pawn a bu nghat.

(Blog a in comment hi ka hmu thei lo,ka hmu thiam lo a ni mah xawk ang chu,chuvangin whatsapp group lamah leh FB lamah khan comment kha lo taima ru aw.)