Awi! ka lalṭhian. Chap - 5

Inchhung ka lut chiah chu ka nu in ka chalah min lo kuk fawk. Awi! anat reuh zia chu teh. "eng nge?" ka ti vaka, ka lu ka tuai vut vut bawk. "Engvangin nge i ṭhiante i hruai sual teh tak?" a ti a.

"Ehe!! inhria maw?" ka ti hû a. A ai na in min rawn khawng.. "inhria maw te i la tih, i Nu Rami(Hlutei nu) lakah a inthlahrun awm lutuk, a fanu thilsual tih i zirtir a ni ringawt alawm. Min tizak lutuk" ati a. Ka nui put put ringawt.

Hmanni ah(Chapter hmasa aṭang khan kar a liam leh tawh aw) ka ṭhiante class ka bunk puia, kan kawng kalna ah serthlum leh theiher âwt tui hmel tawk ka hmu a. Ka chil a ti put lutuka. Ka ṭhiante lo ru ang u ka tia. An lo duh ve mai sia, Tetei te pali chu an zei Ruthi phei chu zei rap. Hlutei ber kha a zei ta lo a. Ti lo tur pawn min ti min tia,mahse amah ber kha kan luh tir hmasa keuh.

Kan lo ta, mahse kan lawh laiin a neitu te an lo kala, Hlutei bag ah(ak modified form)-ah kan thun sawk sawka, kan chhuak lehnghal zaiha. Engmah ei ta lo in kan haw leh hlawm sia,Hlutei bag a nu'n a lo check sak a niang.

Ka naupan lai, kum 5 ka nih laiin Kolkata-a ka awm hma in ka pi te khua ah kan zina. Chutah chuan ka ṭhiante nen thei kan lo ru a.Kha kha ka nu hian min zilh nan tak a hmang ziah. Mahse khami ṭuma,lo tura sawmtu pawh kha keimah tho ka nih vang a nia,a sawi ban theih loh. Hneawm nia.

"A ho emai a" ka ti ringawta,min melh rum rapss. " A ho ti reng reng suh, a zahthlak zia i hre lo nih kha. Tihtur rèngah in ngai em ni a? A zahthlak,a ṭhing tawh" a ti a. " A ṭhing lo, kan i tihhlim ve na ah chuti khati inti zela,a ninawm" ka ti ve a. Ka âwka erawh a vin hran lo.

" Hmeichhia i nih hi, hmeichhia angin awm ta che, mi fate ang hian nunnem takin i awm thei lo em ni?" a ti a. " Chutih a nih hnu, mi fate chu va enkawl la, i fanu ah hian ti nge i lungawi ve mai loh?" ka ti tuar a. Ka hnuk te lam lam a ulh tlat. "Min chhang zawt zawt suh" a ti leh a.

" A nia lawm, in fate hi mi fate nen min tekhin ziah su. In fate kan ni, mi fate kan ni lo. In fate tana a natzia hi inhrethiam pha lo em ni?" ka ti tuar a. Ka mittui a rawn tla bawk. Hru táwkin.

"In fate hi mi fate nen tehkhin ngai suh u. An thinlungin engtin nge an dawnsawn inhre lo, khatianga mi fate nena intehkhin chhen khan, an mahni ah khan induhkhawp inhmu lo emaw an inti ṭhin asin." ka ti a. Inchung lamah ka chhoh san nghal.

Ka room ka thlen chuan khumah ka ṭhu hnawk. Nu leh pa te hian min zilh nachhan chu kan tana ṭha tur vekin min zilh tih ka hria. Mahse mi fate nena tehkhin kher kher hi chu a nat dan a dang bik.

Ka inbual zawh hnu ah khumah chuan ka mu a, ka ṭhiante ka be vel mai mai. Tetei chuan {Naktuk zanah hian an in race dawna, kal ve ang u} a rawn ti a. {Ka hnial loh lam tak} ka ti a. Hlutei erawh a online thei lo a. Chutiang chuan thil ho mai mai sawiin kan nawi char chara. Ka room kawngka chu an rawn kika. Ka chhang peih lo. A rawn inhawng thawm ka hriat chuan ka inluhkhuh hmak a, ka phone pawh ka off hmak. Ka khum bulah chuan ka nu chu a ding renga. "Nubawih tho teh" a ti a. Ka che duh miah lo. "Nubawih,i muhil lo tih ka hria nia" a tih pawn ka chhang duh lo a. Ka che chuang eih lo. A thaw hawka, a chhuak leh ta. Kawngka inkhar ri ka hriat veleh ka phone ka on lehnghal a.

{Zanin chu nuam deuhin hmang ru aw. I ṭhiannu pawh chu min lo biak dawn nia} tih hi Hlutei chuan a rawn thawna, a delete tawh nangin ka WhatsApp hman hi WhatsApp pangngai a nih loh avangin ka hmu thei tho. 

{Khawia i thawn tur i thawn sual nge a?😆😆} tih hi ka va thawna. "Thomson-a thawn tur mawle" tiin a rawn voice a.

"Tu nge Thomson-a chu" Sawmtein a rawn ti ve. "Ka makpa hual" Hlutein a rawn ti ve leh a. {😆😆😆} tih hi ka va thawn ve a. "Lalnunhlu khawvelah dawt sawi i thiam lo ber, u hmeichhia i nei lo tih hre rawh" ka va ti ve a. 

{😤} tih chiah hi a rawn thawn a. {🤣 tu nge sawi ṭha hle hle rawh le} Bethsyi chuan a rawn ti a. Hlutei lah chu a reh daih lehnghal. Kan zawt char chara, kan vau thul. Ani lah chu a reh hmak. A online reng sia. {Hm... inpa nih kha ka hre vek lawm😌online reng chunga ṭhiante be si lo a an awm chuan an bialpa te an bia tihna ni ziah lawm} ka va ti a. Tetei te ho in min rawn zawt chiang nghal sap sap. 

{Ramnghinglo thil ni lo lo sawi suh} Hlutei chuan a rawn ti a. {Thil ni chiah ka sawi ṭhin} ka va ti a. {A nih a prove na i nei em ni?} a rawn ti a. {Prove na ka mamawh lo,kha tikhan ka prove chiah, a nih loh thu vawikhat pawh i sawi lo🙃} tih ka va thawn chu. {I lu a na taka khawng pawp lai sticker} tih sticker hi a rawn thawn a. Chutiang chuan sticker mak pui pui phuah chawp deuh deuh hmangin kan intext ta renga. 

Sawmtei chuan {Hlute topic dang i sawi nasa tawh bawk a(h) inpa chungchang chu sawi ve tawh la} a rawn ti a. Kan lo nghak ṭhap emaw tih turin tuman message kan thawn tawh lo.

Ani lah chu an rawn ṭawng har mai mai khawp a(h). {Awi Ramnghinglovi hi ka ngei ee} a rawn ti hmasa phawt a. {Topic thlak tum suh} Bethsyi'n a lo ti vat. {In ninawm hlawm eee... in mawl hlawm si} a rawn ti a. {Sawi mai mai teh} Tetein a lo ti leh.

{Aw ninawm nih leh ka sawi dawn} a rawn ti a. Kan nghak ṭhap.

{Thomson chu ka luh tirh khan kan senior a nia, basketball a thiam tawpa, chu chu ka ṭhiante khan an star thei tawp, mahse keichuan ka star ve lem lova, bakah chut lek lek. Nerd deuh mai hi ka nia. Ka ṭhiante khan thil te kha an lei saka, gift te pawh kha an pe nasa thei lawm. Chuan vawikhat chu kan ṭhiannu Lawmawmi chuan ka bem dawn a tia, bem rawh bem rawh an tia. A bem ta mahse a lo hnawl a. Kha mi hnu khan keichu min kawm duh ta miah lo a. A chhan ka hre bik lo. Mahse thla hmasa khan Thomson chuan min rawn biaa, min rawn bema, Lawmawmi ten min kawm duh loh chhan kha ka hrethiam ta chiah lawm} a ti a. A rawn send hnu rei lo te chhung chu tumah kan ṭawng lo. A hnu rei vak lo ah Ruthi chuan a rawn type a.

{Awi ha! i ṭhiante chu ka feel pui thei} a rawn ti daih! Ava buaithlak. Kan group hming chu ka change ta a. "Khawvel nuam ti ho" tiin {Awi Hlute i bialpa chu a rintlak meuh ang maw? Keichu rin loh riau na ka nei} Tetei chuan a rawn ti a. A hnu deuhah {kan group hming chu(h)😆 kan va inhmeh ve} a rawn ti a. An rawn nui nasa hlawm ngang mai. Inhmeh an ti tlang hlawm viau bawk e.

{Ti daih ila,i message rawn thawn sual aṭang khi chuan khawi ah emaw kalna tur nei a ang sia khaw nge a kal dawn a?} Ruthi chuan a rawn ti a. {Nia}Tetein a rawn ti nghal vat. A type chak thei ka ti. 

{Nia, a ṭhiannu birthday an lawm dawna, chu chu a kal ve dawn nih kha. Ngah nge i lo rin loh ve ngawt?} a ti a. {Ka hre chuang nang😂} a rawn ti a. {Muttui vek u} Ruthi chuan a rawn ti a. Kan in mangṭha sap sap hnu ah kan mu ta dial hlawm a nih ka ring. 

Zing ka harh chuan ka phone ka en a,ka intifai sawk sawka, ka insiam nghal. Ka insiam zawhah inhnuai ah ka chhuka. "Bawihi i kal nghal dawn em ni? Chaw te ei phawt la" a ti a. "ka ei peih lo, pawisa min pe ula kal nghal ka ngai nia" tiin ka phone chu ka khawih neuh neuha. "Eng emaw tal ei la" ka nu chuan min rawn pan hnaih pahin a ti a. "Ka ei hman tawh lo, mi sawm kawi tur ka la nei si" ka ti a.

" Pawisa chu min pe la, kal nghal ka duh nia" ka ti leh a. Ka pa zawk chuan min rawn pe a. Ka chhuak nghal. Ka scooty chu ka start a, Hlutei te inkawtah ka dinga, ka lo nghak ta ran mai. Ani pawh chu rei lo te ah a lo chhuak ve a. A rawn nui ver ver mai. Ka dawp dawn khawp alawm.

"Tetei te chuan Silaimualah min lo nghak dawn aw" a rawn ti lang langa. "Khawi lai nge Silaimual chu?" ka lo ti let ve thung. A chek hlaka, " ka sawi peih lo, Trinity Hospital kawtah min lo nghak dawn" a ti hluka. Ka khi vur vur ringawt. A bialpa a damlo a, kan kan dawn nih hi. Nizan a birthday lawm a in nasa deuh nge a hangover a, chu mi chu chhuanlamah hmangin amah hmuhtheihna remchang kan tia. Kan kal vang vang dawn. Kan van peih zawk tak te hi ka ti leh hnuhnawh. 

Silaimual kan va thlen chuan Hospital bula dawr kawtah chuan Tetei te chu kan va hmu a. "Thil ei phawt ang u, engmah ei lo in ka rawn chhuak nia" Sawmtei chuan a ti a. "Keipawh engmah ka ei lo" Ruthi pawn a lo ti nghal zat. "In va phur hlawm awm ve" Hlutei chuan a ti a. "Phur e, phur e" ka lo ti a. "thil chu ei phawt ang u" ka ti a. 

Hospital thingpui dawr (ti tawh mai ang) kan thlen chuan mi pawh an lo tam lutuk lo, eitur chu kan chaha, Hlutei erawhin Lasi chiah a chah thung. " I ei ve dawn lo mi? " ka ti a. " aw ei dawn lo" a lo ti mai." Nih leh Lalhlute ti nge heti lam daih daihah kan kal a? " Sawmtei chuan ati a.

"aw.. Thomson-a kan tlawh duh inti nilawm ni? " a lo ti si. " Ti ee, mahse ti nge heti lamah hian min kalpui, ta ṭang hian khawilam nge kan pan dawn? " ka ti a. " Kulikawn" a lo ti daih. " awww hmelchhenu eng a ti nge min kualpui vak kher?" Bethsyi chuan a ti a. Hlutei lah chuan a thil in lai chiah ngaihtuah angin a awm daih. Va han hmelchhe tak.

Thil kan ei zawh hnu ah, kan ei man kan pe a, Kulikawn lam pan chuan kan kal leh ta a. Kawng chhuk zetah kan tlan thlaa, in lian ṭha ve tak kawtah chuan kan ding ta chat. Ka en vang vang chuan a cheitu emaw a enkawl tu chu thil mawi hre vak lo emaw, make-up pawh inhnawih se a inhnawih over thei ngawt ang tih ka rilru ah a awm nghal. A chhan chu an rawng hnawih dan chu a over, a uchuak lutuk, pangpar te chu a colorful hlawm sia, in rawng an hnawih dan nen a inang tawh lo lutuk a. A cheitu chuan thil mawi a hre vak lo emaw, a nalh tih zâwng zâwng a rem tawp tawp a nih ka ring. 

Door bell chu ka hmet a, rei lo te hnu ah kawngka chu maids ni awm tak, form ang tak a ha a, lukhum ang deuh, anime vela maids ho inthuam dan hian a inthuam ti ila a dik ber ang. "Kan lo lut thei ang em? Thomson-a ṭhiante kan nia" Hlutei chuan a ti a. Engmah a sawi lo a. Keini pawh kan lut ve hmiah. Nu pakhat inchei zet, pheikhawk sang vah lo bun a kut ṭang tinah chuan zungbun a bun veka. A nghawngah chuan rangkachak ṭhi hrawl tak tak a awrh bawk. Bengbeh kual lian zet hi a beh bawka. A kutah chuan ngûn vel a awm thluah bawk. Aaaa tlereuh a inbel nasa hle tih hian duhtawk mai ang.

"Tu te nge in nih a?" nelawm lem lo tak hian a ti a. Ruthi chu a melh ngun angreng viau bawk. "Thomson-a ṭhiante kan nia, rawn hmuh lawk kan duha" Hlutei chuan a ti vat. 

"aw a ni maw, han kal mai ru aw a room ah khian" a ti a. A nui sâng bawk. Mahse a mitmengah erawh min hmusit hmel hlawm takzet. Ruthi a enphei chuan a chetzia zawng zawng nen a tilang ti mai ang.

Thomson-a room lam chu kan pana, Hlutei chuan kawngka chu a kik karh karha, a rawn hawng mai lo. A'n herh chhin chu a lo inkalh miah lo a, a inhawng taa. Kan luha kan thil hmuh vang erawh chuan kan ding chawt. Hlutei phei chu a tlu ṭhelh a ni. Thomson-a leh hmeichhe pakhat hi an lo mu chu ni in. Puan chu sin ve bawk mahse an saruak zia a lang thei, hmeichhia ka en chian chuan ka nui sak. Mimii ngei kha a ni. Hlutei chu kan kuaha, pawnah kan chhuah pui nghal. 

College lam kan pan nghala. Hlutei chu a ngawi renga, a ṭap lo a, a duh viau a ni tih hi amah hian a hrethiam lo mai mai ni in ka hria. 

Class a kan awmlai chuan Mimii chu a rawn luta, a zaktheilo hi ka ti ngawih ngawih. Ka luak te lam lam a tichhuak.

Hlutei chu a chhuak ta daiha. Keini pawn kan zui ve nghal. Bethsyi nen chuan Mimii bul kan thlen chuan kan ding data. A beng bulah kun hniamin "I bawp pahnih inkar ami kha i hmang thiam mah mah a ni. I chhiatna bul thlentu a nih ngei ka beisei." ka ti saka. Bethsyi nen kan chhuak nghal.

Hlutei te in lam kan pana, Hlutei chu a room ah a lut nghala, tuman kan zui lo, Nu Ramin eng nge awmzia tih min zawh chuan thil thleng engkim chu ka hrilh ta veka. A thaw hak. "Ka fanu hian chutiang chu a tawng a maw, a rilru hi a no asin"a ti sapa. Keini pawn tih ngaihna vak kan hriatloh avangin kan in lamah kan phei ta phawt.

Kan in kan luh chuan ka nu leh pa an lo awma, "eng nge ka lo siamsak ang cheu?" a ti vara. " Nu engmah min lo siam duh lo mai rawh." ka ti a. Ka nu chuan " aw le, ee taka! chhangban kan nei asin kurtai tui nen in ei duh em?" a ti a. Mak ti tawkin ka nu lam chu ka hawi leta. "A zawh pawh min zawt duh ka ti" ka ti a, ka nu a nui ver ver, a chhan pawh zawh ngai lo in ka duh dawn sa tih a hriat vang." A nih leh i ṭhiante hi?"tiin ka ṭhiante chu a en a, anni pawh an lu an lo bu vek. Chhangban leh kurtai tui...😋

(Naktuk zan chu " HLIAMTU MAH NI SE" FB lamah ka dah zan a nih vangin hei chu kan chawl leh rih ang aw.)

FB-a comment na tur link.👇🏻

https://www.facebook.com/groups/707965150187498/permalink/712362309747782/

COMMENT LEH LIKE CHUNGCHANG HI CHU KA SAWI PEIH TAWH LO. IN AWM AWM KHAN AWM TAWP TAWH RU. 🤗 A LIKE DUHIN LIKE ULA, COMMENT DUHIN COMMENT BAWK ULA. KA SAWI VAK VAK PEIH TAWH LO. AWMZIA A AWM CHUANG LO.😇