Awi! ka lalṭhian. Chap - 6

Ka room lamah kan chho a. Khumah kei ka ṭhu a, ka ṭhiante chu sofa ah an ṭhu ṭhap thung. "Hlutei chu ka khawngaih bawk sia. Mahse kan hre chhuak hma chu a lawmawm lamah i ngai mai ang u" Sawmtei chuan a rawn ti a. "Ni e, a pawi a ni. Ani ang mi nunnem deuh hi chuan hmangaihna ang te hi an la na bik asin le" Tetei chuan a lo ti ve bawk a. Keipawh chu ka lo bu nghat nghat. " Kei ni te hi ni zawk ila ṭha tur, kan han lak nat dawn loh vei nen" Bethsyi chuan a rawn ti ve a. Kan nui hak.

" Bawihi lo chhuk tawh ula" tiin ka nu a rawn au lang lang a. " Aw kan lo chhuk nghal." tiin ka ṭhiante chu ka en a. "Chhuk ila" ka ti a. Keini pawh kan chhuk nghal.  

Dawhkanah chuan ṭhu in kan ei a. A tui zia chu maw.. sawi hian a siak lo. " Bawihi khawi ah nge Hlutei hi, a lo tel ve lo a ni maw?" ka nu chuan a ti a. Kan thil eilai kan chawl ṭhup. "Sawi sual ka nei em ni?" ka nu chuan a ti a. "A bialpa nen an inṭhen a" ka ti a. Ka eilai ka ei zawm nghal mawlh mawlh. Ka ṭhiante pawh chuan an eizawm ve mai a. Mahse an hmelah nuam an ti chiah lo tih a hriat. "Aww avan pawi ve aw. Kha chhangban te hi va ken ula" a tih chuan "Nia, a ṭha ngawt tak ang" Tetei chuan a rawn ti ve a. 

Hlutei te in kan thlen chuan Nu Rami chuan min lo be vat a. "Awww in lo kal leh a ni maw? Eng nge in lo tih leh dawn a?" a ti a. "Hei Hlutei ei tur pek kan rawn tum" tiin Ruthi chu a nui ver ver. "a ni maw. Han kal tak teh u, thingpui induh ngem?" a ti a. "Aih keichu ka duh lo aw" ka ti a. Hlutei room lam panin kan chho nghal a. Kawngka chu kan kir

k karh karh. "Nu, engmah ka ei peih lo ka tih kha" a rawn ti a. "I nu kan ni lo" ka lo ti a. Midang te an lo nui dir char char. 

Kawngka chu a rawn inhawng ri rak a. "Ahh! eng nge in lo tih dawn?" a ti a. A mit bui lâk danah chuan a ṭap nasa hle tih a hriat. "Hei eitur kan rawn pe dawn che a" tiin nui ver ver chungin kan chhangban ken chu kan hmuh a. " Maw? nga ti nge in rawn ken?" a rawn ti a. "Aw i ril a ṭam a, i ei ve duh te kan ring a. Kan rawn ken vang vang che" ka ti a. "Mawl hle mah ula a fel hi chu in fel maw le" a ti sep." Kan hria lawm" kan lo tirual dual a. 

A rawn nui hak. " Kha ei nghal rawh, a tui teh mai nia" tiin Ruthi chuan a thil ken chu room a dawhkanah chuan a dah sawk sawk a. Hlutei chu a pawt nawk nawk a. A ṭhut tir hmak. " Ei rawh, keipawh ka la kham lo nasa nia" tih pahin a eipui nghal. Huiham.

Keini pawh chu ṭhu in kan ei ve nghal a. Kan ei chhung chuan kan infiam bawk bawk a. Hlutei pawh a nui nasa ve khawp mai. A chhungril tak aṭang a nui ve in ka hria. "Ahhh a zo der" tiin Sawmtei a rawn nui uar uar a. "Maw? va la leh ila" tiin Ruthi chu ka en a. "A la awm mi?" a ti a. "Tam mai" ka lo ti thung. "Kal ila nimai lawm" tiin a tho chhuak a. Kan kan in chhung kan luh chuan ka nu'n min lo be vat vat a. "A lo ei ve duh em?" a ti a. "um kan rawn lak belh dawn" ka ti a. Chhangban chu thlengah ka dah nghal mawlh mawlh a

 "Ava lawmawm ve, ka lo kam belh duh ang em?" a ti a. "Aa a ngai lovang, kan belh a ngaih dawn leh kan rawn trip lut mai ang" Ruthi chian nui var var chungin a ti a. Ka nu pawh a nui hak. "Aw le, a ṭhat chu" a ti ve mai.

Chhangban keng chung chuan kan phei a. "Keichu tianga rilru hah lai hi chuan intih hlimna eng emaw ah kal ila ka duh ṭhin" Ruthi chuan a ti a. "Mahse mihring hi kan in ang lo a, mahni a awm duh tlat te pawh an awm leh bawk a" a ti leh a. "Nia, mahse zanin chu in race an nei dawn an tia, kal ve ka chak rap" ka ti a. 

"In race hi an sawi ve ziah a, a nuam a mi a?" a ti a. " Umm Kolkata-ah kha chuan a nuam ve lutuk, mahse Mizoramah hi chuan vawikhat mah ka la in race lo a, ka hre lo" ka ti a. Inchhung kan luh tak avangin kan sawi zawm ta lo. 

Chhangban chu kan ei leh a, kei erawh ka puar deuh tawh. "Zanin chu race-ah khan kal ve chhin ka chak tawp, nang ni inchak ve em?" tiin midang chu ka melh kual a. "Nia, ka kal ve chak reng" Tetei chuan a rawn ti a. Hlutei mitmei erawh ka veng deuh. "Kal ve chhin ila, in race ve kher lo in" Hlutei chuan a rawn ti khauh. "Maww?! i kal ve chak maw?" Bethsyi chuan phawk lek lek hian a lo ti a. Hlutei a bu nghat. Zana chhuah dan tur vel leh chhuanlam tur vel chu kan inhrilh mawlh mawlh a. Kan haw ta phawt.

Tlai chaw kan ei lai chuan "nu, zanin chu Hlutei len harh pui mai mai kan tum amaw, chu chu ka hrilh cheu nih chu" ka ti a. " Um, a ṭha lawm, a nun a nem hmel si a. Tiang chi hi chuan hmangaihna an la na duh sin" a ti ve a. 

" Nia, mahse thla khat bak an ni hman chuang lo a" ka ti a. " A lawmawm lamah ngai mai ang, va len harhpui tak teu, mahse fimkhur ula" a ti a. Ka pa erawh chuan an inṭhen chhan min zawt thung a. Sawi mai dan tur ka hre lo. 

"A bialpa khan bialnu dang a lo neihsan ve khanglang a" ka ti ta ringawt. 

Kan chaw eina te kan tihfel zawhah ka insiam nghal hmak. Ka ṭhiante chuan min rawn video call a. "Eng nge hak tur chi?" an rawn ti! "a vawt dawna thawmhnaw lum lam hak a pawi lo ber ang" ka ti a. An dah leh nghal. Ka insiam zawhah ka scooty chu ka la chhuak nghal a. Bethsyi khan a bike a rawn keng chhuak thei dawn a. In race ve kan tum hran lo a nia.👀

Scooty chuan tlem tawlh hlekin Hlutei te inkawtah chuan ka ding ran a. Ani pawh a rawn chhuak ve vat. A inha double hneh ngei mai. A rawn chuang thurh a. Kawn lam kan pan phawt. Kawnah chuan kan ding ren rawn a. Tetei te pawh an lo thleng ve nghal.

An in race na tur lam chu kan pan ta a. Mahse kan thlen hma in kan ding zeuh zeuh, thil chi hrang hrang kan tia. Thla te kan la a, Hlutei pawn a na chu a theihnghilh ve ṭhak tho in ka hria. In race na tur chu kan thleng a. Kan thlen meuh hi chuan zan dar 11:50 a ri der tawh. Chaw kan eikham pawh khan a tlai tawh hrim hrim a.

In race an ṭan tawh dawn niang, an au nasa hlawm chel chul khawp mai. Bike panga(5) hi an rawn tlan a. An lo au dur dur mai. Bethsyi lam chu ka pan a. Ani pawn hrethiam tak in chahbi chu min lo pe vat. Helmet chu ka la a. 

Helmet chu khumin bike ah chuan ka chuang a. Ka va ding ve ta ran mai. Kan tlan chhuak ta.

~~~um skip~~😆😆

Finish line ka thlen chuan an lo au dur dur mai. An rawn thleng ve nghal bawk a. Tikhan pawisa ka nei leh der. Har lo emai. Ka ṭhiante lam ka pan chuan "Awi! Nui i van thiam em em" min lo ti a, Hlutei erawh chuan min melh reng ringawt. Ka hnung chiahah rawn thleng pa lam chu ka pan a.

A bul ka thlen chuan "i ti ṭha hle mai" tiin ka kut ka phar chhuak a. Chutab a helmet la thla a, a hmel ka hmu chiah chu ka meng ka meng kawk! Kha pa ngei kha a ni. College a, bike a min su ṭep pa ngei kha. A nui suk a. "Nangpawh" tiin ka kut chu a rawn chelh ve a. Ka ṭek chhawk.

(A tawi tih ka hria, mahse min hrethiam ve ula. Story pahnih ka dah a, lehkha lam ka zir ve bawk sia. Hun ka neih loh chu thuhran ziah tur pawh ka hre ṭha tawh mang lo aw🤧Edit pawh ka edit peih tawh lo😆)