Awi! Ka lalṭhian. Chap - 7

Electric current hi keimahah a rawn kaltlang nimai hian ka hria. A rawn khuh kharh chuan ka harh chhuak thut, a kut chu ka lo la chelh reng chu ni in! Rang takin ka la thla vat a, a la khi suk zui. Awi! lalṭhian in hmu ve lo nih kha, a hmelṭhat zia chu maw. Ka tuiral zawih zawih. Ka melh ngawih ngawih a. "Nui nui" tiin min rawn sawi a. Ka harh chhuak leh zawk. "Aw eng nge?!" ka ti hû a. "I van mawl tak" Hlutei chuan a lo ti hlak. Chhelo te-a kha a lo awm tawh miah lo. Ka hawikual ruai a, "Eng nge i zawn a?" Bethsyi chuan a rawn ti a. "Aww hmelṭha deuh kha" ka tihchuan min en in a chek tlak. "Awi! insum rawh" a ti a. Kan nui hak.

Inchhung ah chuan ka lut ṭhem ṭhem a. Ka chhungte chu an mu tawh a ni maw ka rilru chuan ka ti a ka nui sak. Mahse.. "In van rawn haw har em em ve a Nubawih" ka nu chuan a rawn ti ta mai. Ka phu nasa lutuk chuan kan steel plate ka la ti tla zui, a ring phian lehnghal. "Aw, Nubawih ngati chiam chiam nge?" a rawn ti a. Plate chu a chhar vat bawk. "Nge mi thlahrang ngaihtuah lai laiin khatia mi rawn biak thut" ka ti a. Ka nu a nui kur kur.

Thinrim hmel deuhin ka room lamah ka kal a, mahse ka room ka lut chiah chu ka thaw huai mai. Min lo counseling hrep dawn maw ka ti hman zawk alawm le. Intifai sawk sawkin khumah chuan ka mu ta a, phone pawh ka khawih peih lo. Zanin a ka hmuh chhe lo te-a mawlh khan ka rilru a luah a, kan inchibai lai te kha ka ngaihtuah let a, ka lai thar lutuk chu ka mut hmunah ka leng nghek ringawt. Ka zak bawk si, nuam ti tho bawk si boruak vel hi inhrethiam mai em?

Kawngka kik dat dat thawm chuan min ti harh leh tawh! Ka hne zia hi, ka mumang a nuam dawn chiah a. Ka va'n ui tak. "Nubawih tho tawh la class kal i ngai lo mi?" ka nu chuan a rawn ti a. Ka hmui ka ti pawrh vak. "Aw kal dawn" tihpahin khum aṭang ka tho a. Bathroom lam ka pan nghal. Ka insiam te chu ka'n in uluk khawp a(h)a chhan hriat si loh hian chhe lo te-a kha a rawn kal ka ring deuh tlat. Choka a ka chhuk hma in darthlalang ah vawi 10 ka in en hman. Choka a ka chhuk chuan ka nu lam ka pan vat. "Nu, ka chhe lo em?" ka ti a. Ka ding a, ka inpost kual vel bawk.

Ka nu chuan min en vung vung a, "i tho â mi?" a rawn ti daih! "Tho â lo, ka chhe lo em sawi vat teh" ka ti a. " I chhe ber" a lo ti hmak. "Ka ṭha ber tho" tiin chhangthawp chu ka la a, ka ei nghal. Juice chu ka in leh bawk a. "Bawrh bawrh zel a che, i helh ang asin. Nizan in len chhuah pui chuan awmzia te a nei em?" a rawn ti a, ka thil eilai ka hak a, ka khuh bawrh bawrh. Ka ngaihtuah let a, ka khi vur vur mai. "Amak zawhna te chhang ṭhin rawh" a rawn ti leh hlak a. "Umm...aww.. awmzia.. chu a neiin ka hria" ka ti a, ka nu a nui hawk hawk.

Hlutei te inkawtah chuan ka ding a, ka phone chu ka en zeuh zeuh bawk. Ani pawh a rawn chhuak ve vat. "Kha kan nu ber chu i hlim maw?" ka lo ti a, ka nui sâng bawk. "Hlim e, college pan nghal rawh. Mimii lo thlen hma a thlen ka duh nia" a ti a. A hmelah chuan zan a mu ṭha lo tih a hriat. "Nizanah khan i muhil leh em?" ka ti lang lang a. "Muhil tawh nang, dar 4 velah ka muhil chauh lawm. Dar 6 ah min kaitho leh bawk a,mut ka kham lo lutuk" a ti bai bai a. A hmel pawh kha mutchhuak hmel a ang ka ti rèngah.

College kan thlen chuan motor an park na aṭanga hla fe ah thingkung buk deuh hi a awm a, chu chu kan spot atan kan hmang hmiah a. Tuman min chuhpui tawh lo a, tu spot mah a lo ni hman lo bawk. Kan scooty hi kan park hmiah zel bawk a. A nuam ve angreng. Ka pan nghal a, Ruthii te pawh an lo awm ṭhap tawh. "Nizan lam in mu thei hlawm maw?" ka ti a. An lu an thing nasa hlawm kher mai. Ka nui hak hak a. "In ti ngai lo nih dawn kha, in haw hunah muhil vek rawh u, a nih loh chuan intaksa in a tuar lutuk ang" ka ti a. Classroom lam panin ka kal nghal a, min rawn zui ve vat hlawm bawk. 

Corridor phei ah chuan kan ti ti char char a. Ruthi'n an khuaa a awm laia an thil tih ṭhin nuihzatthlak deuh deuh memories ho a sawi a, kan nui leh dar dar ṭhin. Hlutei chu a ṭawng dawn chiah tihah mipa pakhat hian a rawn su a, a tlu hnawk. Chupa lam chu kan hawi nghal dual a. Lo let phei lehin "Oh ka tihpalh lutuk" tiin Hlutei chu a kut a pe a, Hlutei lah chuan lo vai sawn lawp leh thawh a rual a, chupa chu a nui suk. "Cute rueh lutuk" tihpahin Hlutei hnar a piai zauh. Hlutei lah chuan a lo run nasa mai si. Mahse "Hei Khawngaihropui rawn kal rawh" tiin mipa 4 hian an rawn um a."Sh*t min rawn umpha ka ti" tiin nui vur vur chungin a tlan leh. 

Keini pawh classroom lam kan pan nghal a. Hlutei chu a tum bur reuh mai. Kan en a, kan nui leh ṭhin. Ani lah chu chungte chuan a thin an ti rim belh emaw tih turin min melh tum thei si. Nui dir char char chungin kan kal ve ta zel.

Class kan luh chuan kan ṭhu a, Hlutei lah chu a thinrim nasa si.Mahse a mut a chhuak a, dawhkanah chuan bawkin a muhil ta daih a. A muhil hmel chu hmuh a hahdam thlak takzet. Thil dang sawia kan titi ho laiin thawm a rawn awm hak a, keini pawh kan hawichhuak ve a. Engmah phei chu kan hmu ve chuang law. Kan sawi ngai kan sawi zawm leh mawlh mawlh lai chuan. "Nizan kan winner chu chibai ve te pawh ka duh e a" ti ri vangin ka hawi phei vat. Mipa pakhat sang lam palian deuh hmelṭha ti a sawi tur ni miah lo hian min lo nuih sang a, a kut a phar chhuak bawk.

"aamm min lo hrethiam lawk, min hai aniang a" ka ti a, a lu thingin a rawn kun hniam deuh a. Ka beng bulah chuan "Nizana i bike race kha mawle" a rawn ti sup a. Ka meng kawk! Chupa chu ka en a, ala nui sâng tho. Ka chibai ve a. "Tuma bulah sawi suh ang che" hmui phunin ka ti a. A khi vur vur leh ta nghal a. 

A hnunga a ṭhiante ho ka en chuan Hlutei su thlu tu leh, mipa pahnih an lo awm a, pakhat zawk chuan mask a vuah a, mahse min lo melh char char a. Ka lai deuh titih. "Ehe! hei chu Induh-i kha a nih hi" pakhat chuan tiin Hlutei chu a pan hnai a. "A cute reuh lutu, zawhte muhil a an reuh zia hi" tiin dawhkanah chuan a bawk ve a. Chupa hmel ka enchiang chu, ka nui hak. Hlutei su thlu tu ngei kha a ni. Hlutei chu a rawn harh a, a hma a mipa hmel a tho chhuak vat. "Nangbawk chu(h)" a ti a. Chuoa erawh chuan a lo nui var var thung.

In kawtah chuan ka ding a, kawngka lo inkalh ka hmuh chuan mak ka ti hle. Ka hawng a, inchhung ka luh rualin ka nu'n min rawn call nghal. "Aw nu" ka ti a. "E bawihi, hei i pa ṭhianpa te in ah chaw kan ei dawn a, chawhmeh lo insiam la, nangmahin chaw lo ei mai rawh aw." a ti a. Ka nui vur vur mai. " aw le" ka ti a. Ka dah nghal. Ka dah zawh rualin room ah ka tlan chho a, inthlak sawk sawkin ka intifai a. Choka ah chhuk lehin apron chu ka hreng a. In ti tak tak ang hmiang.

(Tawi tih ka hria🤧mahse zantir aṭang ka mood a dik lo amaw. Ziah thui tur pawh ka hre lo)