Awi! Ka lalṭhian. Last Chapter

Awi! Ka lalṭhian. Last chapter.

Hlutei rawn lut chu a rawn ang lut bawrh bawrh a. "Police inti ve si, khatiang police mit fim tan hriathran har a ni miah si lo a, amah kha a rui nge, sum a duh lutuk vang zawk ni" a rawn ti lut bawrh bawrh a. Kan lo melh ṭhap. "Eng a ti bawrh bawrh nge, ṭhu phawt teh" ka lo ti a. "Awi kha officer kha ṭhuai bun ka chak zia hi saw in a siak dawn amawni" a ti a, a thinrim tih a hriat ngawih ngawih. Tui chu a in khawlh khawlh a.

"Video chungchang vel kha police station-ah kan va kal a, chu chu video kha kan entir a, hrai ruih a nih thu vel kan sawi bawk a. 'Hrai ruih a nih loh khu, a harhfim vek khu' a lo ti a. Tetei ṭawng tum ziau tawh kha ṭawng khalhin 'A nih chuan a duh vang pawh lo ni ta se, an thehdarh sak vang hian inman tho tur a ni lo'm ni?" ka ti a, 'A duh vang rènga a khawih theih phawt chuan kan inrawlhna tur a ni tawh lo' a lo ti nih chu! A hmaia ka ben sak lo kha a vannei a nih kha 'A lo nihtak chu, police officer phuah chawp, ruih bak thiam nei lo' ti hmakin kan rawn chhuak leh nal nal" a ti a. Ka lo nui hawk, min rawn en a. "A a tawpa a tih dan khan ka nuih a ti za deuh mawle" ka ti a. Engmah an sawi zui lem lo, tunah hian Sawmtei te in ah kan ṭhianho in kan awm mek a. Estheri kha chu thil min tihsak turin kan ti a, a hlau bawk a. A ti ngei ang, tuna police station-a an lo va kal pawh hi a ṭul ka ti lo rêng a ni. A chhan chu Mimii pa hi officer lian leh hausa a nia, tuma'n a fanu leh a bialpa chu an man ngam dawn lo tih ka chiang. Amanda emaw ang te kha an nih ngawt loh chuan.

"Lungngai su, Estheri khan a hna chu a tlin ṭha turah ka ngai a" ka ti a. "Kan ring thei tak tak ang maw?" Bethsyi chuan a lo ti a. "Kan zui ru dawn rêng alawm" ka ti leh mai. Estheri chu Mimii hnenah "Ruthi vid vang khan a ṭhianten min ringhlel a, thil pawimawh tak ka hrilh che ang a, kan khuaah ka haw rih ang" tia sawi turin ka ti a. Ka sawi anga a ti a nih chuan, Hriatpuia te huanah kan khalh lut thei maithei a, a bialpa kha a tel ve ngei ngei zel tih Estheri khan a sawi tawh bawk a. A bak chu Hriatpuia ten an huanah an lo buaipui ve thung ang. Ruthi pawh a ṭha tawh viau a, mahni intihnat lam chu a ngaihtuah rih lovin ka hria, bakah ṭawngkam na emaw diriam zawng leh hmusit zawngin tuman kam an cheh lo, ti ila hostel chhungah hi chuan, anmahni buai buaiin an buai. Hriatpuia an hlauh vang nge phei chu ka hre lo a. Hriatpuia pa hian park intihhlimna park nuam tak tak leh lar tak tak pahnih (2) a nei a. Party na hmun lian leh changkang tak, Mizoramah phei chuan a vawikhatna a ni maithei tih tur hi pakhat (1) a nei bawk a. Dan phalloha sumdawnna erawh a khawih miah lo thung. A nu pawh hi IAS a nia, an hausa a, an fing a. Mi zah an kai bawk. Tunah pawh police lam hian engmah an tih kan ring lo a, chuvangin Hriatpuia hian engtin nge hma a lak dawn ka hre lo, tihtur min hrilh a, chu chu ka ti ve tawp. 

"Ruthi chu khaw nge a awm reng reng a?" Tetei chuan a ti a. "A inbual a nih kha, ka rilṭam tawh rapthlak" Bethsyi chuan tiin Hlutei chu a melh a. Hlutei lah chuan "Eng nge khatia mi melh kawr, ka siam dawn reng reng lo" a ti a. "Hmm a ti ve ziah a, a hnu-ah a siam leh ziah tho" tiin min melh kual a, kan lo nui kur kur. "Va siam rawh, Ruthi pawn a ei chak em kha" Sawmtei chuan a ti a. Chutia Ruthi hming kan sawi lan vel leh chuan a zuang tho nghal thurh a ni ber. 

Choka-ah chuan lutin eng eng emaw hi ava siam a, keini chuan kan hriatpui ve vak lo. Ei kan siam ngai lo bawk a, kan lo titi vel mai mai a. "Keichu Hriatpuia hian engtia tih nge a tum tih ka hre chak ee" Sawmtei chuan a ti a. "Nia tiraw, keipawh ka hre chak. Mahse kan hriat a ṭul lo aniang, min hrilh lo em mai." Tetei chuan a lo ti a. "Ee.. tak a! Bethsy bialpa i nei a ni maw?" Tiin Bethsy chu a melh a, kan melh ve nghal ṭhup. A khi vur vur a. A lai deuh ten ka hria. Hmundang a hawi daih a. "Bethsy sawi teh" Sawmtei chuan a ti a. A mitmengah chuan a phur tih a hriat. "Aw" tih chauh a sawi a, hnuailam a bih nghal daih. "Ehe! Tu nge?" Tetei chuan a ti a. "Ih a ka sawi duh lo e a" a ti a. Kan lo nui hak. "Zak buai duh vel suh, sawi mai mai teh" ka ti a. "Ih Jacoba kha" a ti a. Mak tih vangin kan meng phawk hrû mai. "Eh! Ani te chu, a nerd deuh a ni lo'm ni?" Sawmtei chuan a ti a. Bethysi a bu nghat. "Mahse naw a nerd miah lo, amah duhtu hmuh nan a lemchan vel mai mai a nih kha." A ti a. Amak ka ti vak tawh lo, hetiang a an ti hi phone leh TV velah chuan ka hmu ve tho a, mahse a taka titu ka la hmu fuh lo thung a. "A nih chuan Jacoba te chu an hausa em?" Ruthi chuan a rawn ti thut a. Kan phu vek, a rawn ṭawng thut bawk sia. A awm tih kan hre bawk si lo a. 

"Awi! Min tih hlauhzia kha i hria em" Tetei chuan a awm dawm pahin a ti a, Ruthi a nui var var. "Bethsy Jacoba te chu?" Tiin Bethsyi lam chu a hawi a. "Um hausa e" a ti a. "Nih leh engtik aṭang nge in inngaihzawn?" Hlutei chuan eitur rawn chawi phei pahin a ti a, tray chu dawhkanah chuan dahin a papawr kan ava la leh. "Ala rei lo, thla khat a tling ṭep" a ti a, "Awi ka awih thei lo, i lo va inthup thei zawk ve" Ruthi chuan a ti a. "Tetein sawi lo phei se chuan zep kumkhua i tum ami?" A ti zawm nghal zat a. "Tum lo, sawina hun pawh la awm hleinem" a ti a. "Anih leh Tete engtin nge i hriat reng reng a?" Sawmtei chuan a ti a, Tetei lam kan hawi ṭhap. "Hmanni-a a phone ka en sak laiin message a lo thleng a, chuan ka rinzo chho kual vel. A neih tak tak pawh ka ring lo a. Mahse a lo nei kur sia" a ti a. Kan nui hak.

Thil chu kan ei a, kan titi ho mai mai a. "E ti daih ila Ruthi Hriatpuia hian a duh che in ka hria" ka ti thut a. Min melh ṭhup. Ka nui vur vur ringawt. "Awi i hahthlak ee. A duh chein ka hria ni tawh loin a duh che nih hi ti zawk ta che, a chiang reng alawm mawle aw." Tetei chuan a rawn ti a, dar ka kan ak ringawt. Ka nui vur vur bawk a. Hlutei chuan a sana bih vutin. "Dar 11 a ri ṭep, Estheri a chhuak tawh hrim hrim ang" a rawn ti a. Sana ka en ve chuan zan dar 11 a ri ṭep tawh. Ka phone a rawn ri a. Ka en chuan Remsanga a ni. "Hello" ka ti a. "An lo chhuak tawh dawn em?" A rawn ti nghut. " Ka hre lo" ka ti ringawt. " Ngaichang reng ula an chin min rawn hrilh reng a ngai bawk a nia" a ti leh a. " Ok" tiin kan ti tawp nghal.

"Kal ang u" tiin ka ṭhiante chu ka melh kual a. Anni pawh an tho ve nghal. Tetei chuan bag dawhkana kan dah, zantira kan siamsa vek tawh chu a la a. Kan chhuak zui nghal. Kawngka chu dim tein kan khar a, tumah an lut lovang. A pa thoin a kalh leh ang.

An Bolero-ah chuan lutin hostel lam kan pan a. Hostel hmuh theihna, hostel aṭanga hmuh ve theih si lohah chuan kan ding a. Estheri chu inpeih sa atin a rawn chhuak a. Kan enzui dawn tih hi chu a hriatsa ka ring hran lo a. Midang pawh chu an chhuak ve zel a, zanlama party te aa thil chi hrang hrang titur zanlama chaw zawng an tih ang maia vak kual ṭhin te pawh an awm a. Zanah pawh a reh tak tak lo. Taxi chu pharin a ṭhu lut a, a luh hnuah taxi pawh chu a tlan ve nghal a. Kan zui ve nghal. Mahse taxi chu Zodinah a ding ta tlat! Estheri chu a rawn chhuk a, a lo ding ta a. Kan en reng. A hnu deuhah Mimii leh a bialpa niawm tak hi bike-in an lo thleng ve nghal a. An inbia a, Mimii chuan Estheri chu pawisa a pe tlat! Eng nge awmzia? Kan ngaihtuah ang hian thil a thleng dawn lo tihna em ni? Mimii te chu an tlan a, a hnungah chuan bike hi a rawn tlan ve a. Chutah chuan Estheri chu a ṭhu a. Kan zui ve nghal. Kan zui zel a, Mimii te chuan Hriatpuia te huan an pan. Remsang chu ka call nghal a. Mimii ten Hriatpuia te huan an rawn pan tih ka hrilh chuan "a ṭhat chu" ti ringawta min chhangin a dah leh nghal. Huan an thlen chuan thlam chhungah chuan an lut a. Ngaihṭha deuhin kan haw leh hmiah.

Kan in-ah ṭheuh Sawmtei chuan min drop nghal a. A tuk zinga news erawh a dang ta zar mai. Keini erawh kan nui ve thung. Kan tuhrah lo kan seng ngai lo. "Hmanni a video darh chungchangah khan officer lian tak fanu Mimi Zonunmawii chu a ruahmannu siamtu niin a mipa kha Zodinpuia a ni a. Video an tihdarh chungchangah khan..." Ka chhiar zo peih lo. Tunah chuan Ruthi pawh hahdam deuhin a nui ve thei ta. 

Kan incall a, "Vawiin chu chhunah kan inah lo leng khawm ru. A nuam dawn lutuk. Kan intihlim mai mai dawn nia" ka ti a. Anni pawn an lo pawm ve hmak. College lam chuan kan lung a len vak rih lo a nih hmel. Chaw kan eikham chuan ka ṭhiante lo len tur thu ka sawi a. "A ṭha alawm, ka chawl dawn bawka in eitur ka siamsak ang cheu" a ti a. Kan chaw eina vel chu tifaiin in te chu ka theih ang angin ka tifai ve bawk a. Tihfai leh chuan vak a ngai lo, ti hnawk tutur an awm lo bawk a.

Pawnah chuan motor ding dat thawm ka hriat rualin ka dak chhuak vat a, ka ṭhiante chu an lo nui var var hlawm a. "In va lo thleng hma leh si ve" ka ti a, an lo lut a. "Ee in lo va thleng hma leh si ve aw. Lo inkawm ru, eitur ka lo siamsak ang cheu" a ti nghal zung zung a. "Kan lo siampui ang che" Hlutei leh Tetei chuan an ti vat a. "A ngai hleinem, tikhan lo inkawm zawk ru, Nubawih i ṭhiante hi din tir reng i tum ami?" A tih zawm nghal zat a. 

" Lo ṭhu ru" tiin sitting room lamah chuan kan lut phei a. Ka nu erawh choka-ah a lut nghal thung. " Chuan Hriatpuia leh Ruthi chu an ni ta maw?" Ka ti a, Ruthi chu a hmai a sen ṭawn ṭawn mai. "Ramnghinglo dawt dawt sawi suh" Hriatpuia chuan a ti nghut. "Eh an han lai thar leh velah" ka ti a. "Ania lawm mawle aw" a ti leh a. Kan nui dar dar. Kan titi a, kan infiam a, a chang leh kan inkap a, a nuam viau a ni. Ka nu chu rawn pheiin "Nubawih eitur a telh tur hi lei belh lawk a ngai a, ka va kal lawk ang e aw" ka ti a. "Nu, kan lo kal zawk ang, hei mipa ho pawh hi an tirh theih reng alawm" ka lo tivat. "Ni lo e, lo inkawm zawk rawh u, i Nu Chawii te in ah thil l kawi tur ka nei tho a" a ti a. Ka chhan leh hmain a chhuak nghal.

Kan titi leh a, kan infiam leh vel a. Khawngaihtea chuan Hlutei lam chu enin "Ka bawih hnup hnup nu, innei tawh mai ila" an ti mai nih kha! Hlutei lai bawk si thinrim deuh bawk si chuan."Lalropui zak rawh, sawi awm leh awm lo te hi a awm ve aw" a ti a. "ehh Khawngaihtea bawih hnup hnup-i te i lo ni hman tawh elo?" Ka ti a. Hlutei chu a meng thip teh e. Chutia kan nuih ho dar dar lai chuan ka phone a rawn ri a. Ka en chuan ka nu a ni. Kalsawn deuhin ka chhang a, a ri nuai nuai mai."hello nu" ka ti a. Patling aw hian "Nubawih, keimah Pa Sawmtea ka nia, i nu hi truck-in a chil a, aaa damdawi in lam kan panpui dawn a, i pa lo hrilh la. Lo kal ve mai ta che u" a ti a. Ka hai chhulh ni berin ka hria.

"Maw engmaw i sawi a? Ka nu chu a ṭha em?" ka ti a. Ka ṭhiante chuan min lo en ṭhap a, "Aaa Nui sawi tlang ta tawp ila, mihring a chang zo ta lo. Kâ pawh chhawn lo in a kal tawp" a ti a. Ka phone ka thlauh bal. Ka tlu tur chu Remsanga chuan min lo dawm a. "Eng nge thleng a?" tiin Hlutei chuan ka phone thlauh chu a chhar a. A ngaithla a, Pa Sawmtea nena an inbiakna te pawh chu ka hre rei ruai, ka vai vek. Ka pa chu a bia aniang, thil a sawi velte chu hla tak aṭang a ri nimain ka hria. "Nui Nui" tia min ko ri chu ka hria a, a thim ta riai riai mai. Ka harh leh chuan ka khumah ka lo mu a, Tetei chuan min hmuh veleh min lo nuih var var. "I harh tawh maw?" a lo ti a. "Khaw nge ka nu, engtin nge a awm?" ka ti a. Min melh vang vang a."Nui i nu chu" a ti a. A ngawi leh daih. Khum aṭang chuan ka chhuk sawk sawk a. Inhnuai ka chhuk chuan ṭhalai ho chuan min lo melh vawng vawng a, a ṭhenin an mittui an lo hru bawk. Ka nu kuanga an zalhna lam chu ka pan a. (Awi! Ka ziak thiam ve thlawt lo. Ka beidawng) Alu chu an lo tuam tlat a. (Awi ngawi teh u, mitthi an ih eng nge khah ka sawithiam lo, aw an tuam dan vel chu inhre tho skip mai ang)A biangah chuan ka vuana. "Nu lo harh tawh rawh, i fanu hian ka mamawh che a nia" ka ti a. Mahse a meng duh lo, "Nu khawngaihin harh teh, min hau leh dawn lo ami? Awmdan tur te min hrilh leh dawn lovem ni?" tiin ka nu chu ka bia a. "Nu lo meng tawh la, ka pa pawn a ngai tawh che nia. I unaute pawh i ti hrilhhai lutuk" ka ti a. "Nu meng teh, min tihtauh khum suh aw. Ka titau ve a ni mai aw" ka ti a. Mahse a meng duh chuang miah lo. "Nu harh rawh" ka ti a, ka ṭap chhuak hawk a. "Nu lo harh teh, i lo tho dawn lo ami? Heti hian min kalsan tawp i tum em ni a?" ka ti a, ka ṭap hawm hawm a. Hlutei chuan ka darah min lo kuah a. "Hlute ka nu hi han ko ve teh, a lo tho duh miah lo ania" ka ti a. "Nu tho teh" ka ti leh a. Midang lo kal ve leh awm ve te pawh chu ka awmdan vang chuan an mittui an hru zauh zauh a. Chutah nutei chuan "Ka u lo meng teh, i unaute leh i chhungte hi min ti hrilhhai lutuk asin. Nubawihi pawh hi tihian i kalsan tawp dawn em ni?" a ti a, a ṭap zui hawm hawm. (Tilai vel chu skip mai ang u. Nini-a ka hrechhuak lo thei lo)

Ka nu kuang chu chhin an tum a, mahse ka phal lo ka dang tlat."Ni lo, in chhinphui daih te chuan a thaw thei lo ang a, hreawm a ti lutuk dawn asin" ka ti a. Hlutei chuan min lo kuahin "Nui" a rawn tisap. "Hlute en teh, hei ka nu hi chhin hnan daih an tum a nia, hrilh ve teh" ka ti a. Mittui tla chungin min melh a. Ka phal lo chung ka nu kuang chu an chhin a. Ka nu chu lei hnuai thuk takah an zalh ta. Ka phal lo, ka phal mawlh lo."Nu" tiin ka ṭap hawm hawm a. Nikhua ka hre lo zui.

Ka harh leh chuan ka pa chu ka hmu hmasa ber a, "Pa" ka ti sap. "Nubawih" a ti a. "Pa ka nu kha a kal thei a tiraw, nang leh kei hi in ngaihtuah ve miah lo a nih hi tiraw" ka ti a. "Bawihi chutiangin ngai mah ta che, pialralah min lo nghak alawm" a ti a. Ka lu ka thin khum ringawt.

Ka nu thih aṭang kar 3 dawn a liam leh tawh.Ka room-ah ka tawm chawt a. Ka ṭhiante chu lo kalin min rawn tihhlim an tum ṭhin a. Ka hlim ve ṭhin, ka nui ve ṭhin a,mahse ka chhungril takah erawh ka la nui thei chuang lo. Kawngka chu rawn inhawngin ka pa chu a rawn lut a."Nubawih hetiang ngawta awm hi chu a ṭha lo em mai. Kolkata-ah zir chhunzawm leh rawh" a rawn ti a."Aih ka duh lo" ka ti nghat. "I duh leh duh loh ka zawt lo che, i awm dawn ka tihchuan i awmdawn a ni ringawt." a ti a. Ka lung a awi lo. Mahse ka hnial ta lo law law. Ka nu thihna kha a tuar em em tih ka hria, kei hetianga ka awm leh phei kha chuan a rilru a hahzual hle tih ka hria. A sam pawh a tla, ka hre vek. Min dah duh chuan min dah mai teh se. Ka pa chauh hi ka neihchhun a ni tawh a, a thu hnial thei ka ni lo. Ka ṭhiante chu zanah an rawn lang leh ngei e. Kolkata-a ka awm tur thu vel ka hrilh chuan an huphurh ve hle tih an hmelah a hriat theih. Mahse "Ni e, zir rawh. Hlawhtling takin i lo haw dawn nia" an ti a. Ka ṭhiante hi ka ṭhiante chu ni lo se ka dam ka ring tawh lo.

"Nubawih ṭha takin zir rawh aw. Hlawhting taka i lo haw leh lai ngei hmuh ka duh ania" tiin ka pa chuan min hrilh a, kan invai liam ta a. Kolkata ka thlen chuan hostel-ah ka lut nghal a. Ka ṭhiante chanchin te ka hrilh hnuah min fuihna thu an thiam ang tawkin min hrilh ve a. Ka tan chuan an va han hlu tak êm aw. Business lam ka zir dawn a. Ka tuina lam a ni em tih pawh ka hre chiah lo.

After 3 months (A kal deuh mawp mawp mai)

Ka zirlai pawh ka thiam sawt khawp chuan ka hria. Ṭhian thar te pawh ka nei a. Hlutei te ho nen pawh kan inbe ve thin tho naa, hmun khata awm ta lo na na na chu an lo buai ve tho nen kan inbe zing lutuk thei lo. Naktuk hian test leh eng eng emaw exam te pawh aniang chu chutiang chu kan nei dawn a. Ka huphurh na leh ka phurna a inzat vel ang. Ka phone chu a rawn ri a. Ka en chuan ka pate a a ni. Pick vatin "Aw pate" ka ti nghal var a. "Nubawih, i pa chuan min peih loh san ta" a rawn ti a. A thilsawi awmzia chu ka hrethiam lo. "Pate eng nge i sawi awmzia hi?" ka ti a. "Nubawih i pa khan pumpui cancer a vei a, a hriatchhuah meuh kha chuan stage 4 a lo nih tawh avangin i lakah a zep a. Lehkha kha ṭha taka zir chhuak a, hlawhtling ngei turin a duh che a. A zep ta a nih kha. Mahse tun chiah khan i pa chu a chatthla chiah" a rawn ti a. "Ka pate ka lo haw nghal ang" ka ti a. "Ni love exam pawimawh tak hmachhawn tur i nih kha, exam kha pass la. I pa duh ang ngeiin hlawhtling ang che aw" a ti a. Ka bing chum chum.

A tukah chuan ka exam a, ka exam kha ka tiṭha em pawh ka hre lo, ka ngaihtuah bawk hek lo. Ka pa chu video call hmangin ka thlah liam ve. Ka ṭap ngat ngat a. A hnu phei chuan ka ṭap thei tawh lo hial. Ka lo ṭap muhil aniang, ka harh chuan khua a lo thim vek tawh a. Ka ngaihtuah a, fahrah nu leh pa nei lo mai ka ni ta. Mahse ka nu leh pa te chuan min hmangaih a, van aṭang an pahnih in min lo thlir reng asin. Chuvangin ka intih chak a, an duh ang ngeia ka hlawhtlin a ngai.

2 years later.

"President i flight chu naktuk atan peih a ni tawh e" ka khi sak. Ka bu nghat a, a chhuak zui lehnghal. Naktukah hian ka pianna ram Mizoram ka dai lut leh ang.

Lengpui airport-ah chuan ka driver tur chuan min lo nghak sa vang a. Kut hmanga ṭhui leather jacket bag, engkim kut hmang veka ṭhuina company ka din a. Mizo te kutchhuak ngei a ni a. Hralh pawh a kal cher cher hle. Mizoramah chuan number 1 a ni. Driver nen chuan ka company lam chu kan pan a. Ka nu leh pa te thihna kha vanduaina ni mahse malsawmna-ah a chang ka ti lo thei lo. Company kawtah chuan kan ding a. Ka sunglass chu vuahin ka chhuk ta a. Ka luh chuan chibai min lo buk nak nak a. Ka hnunglam aṭang a. "Nui" rawn ti ri vang chuan ka hawi phei a. Ka mi hmuhte vang chuan ka ṭe chul lo chauh a ni. Ka pan phei vat a. Ka ṭhiante lo ding chu, tlemin an lang upa ve ta deuh timai loh chu danglamna em em an nei hran lo. Pangpar bawr hi Hlutei chuan min pein "Congrats dear" a ti a. Ka nuih var var hlawm a. Ka mittui tla tur chu ka dang hram hram. "Engtin nge inhriat theih?" ka ti a. "Khang kum chhung zawng khan kan theihnghilh lo che, i phone number-ah i call tlang theih si loh a" Tetei chuan a ti a. Ni e, ka phone kha min ruksak daih a, phone thar leh sim thar ka hmang a. Ka ṭhiante number ka by heart si lo. Neih dan kawng ka hre bawk si lo a, mahse engtik lai mahin ka theihnghilh ngai lo. Ka hlawhtlinna kawnga min fuihtu lian tak te chu anni hi an ni ve a ni. "Kan lawmpui lutuk a che." an ti a. "Nangni vang chauh alawm" ti sapin kan inkuah a, ka office lam pan chuan kan kal tlang ta a. 

Ni e, hei hi alawm hlawhtlinna dik chu, ṭhianṭha chu an inmamawhnaah an inpui tawn zel a. An inkalsan ve ngai lo. An inbiak loh leh inhmuh loh hnu pawn fuihtu ṭha ber an ni fo. Ngaihzawng te ai pawn ṭhianṭha hi an hlu zawk. Mahse ṭhian sual an awm a. Anni chu tûr ai pawn an hlauhawm zawk ṭhin thung. Mahse ṭhianṭha chu Vitamin A-Z an ni tawp mai. Chuvangin i nunah khan ngaihzawng lam ai chuan hlawhtlinna leh ṭhiantha hlutna zir chhuak hmasain nei hmasa rawh.

I nun pum kha *Awi! Ka lalṭhian* ah chantir rawh. 😇😊

A TAWP TA(tawp ho leh si ve inti)

Aw le, kan story "Awi! Ka lalṭhian" chu alo tawp leh ta der mai a! Ava thui love, mahse tihtawp a ngai miau tawh a ni. A tawp deuh thut kha a ngai sia. A nu thih vel aṭang khian a ho nei nuai ngawt ang. Mahse inchhiar dik leh vek tho a, ka lawm lutuk e.

KA STORY A TIR AṬANGA A TAWP THLENGA MIN LO CHHIARSAK TUTE CHUNGAH KA LAWM LUTUK E. 😊 BYE BYE VEK U.