NOTHING'S BREAK LIKE HEART

NOTHING'S BREAK LIKE HEART.

SHORT STORY

Khawvel hi a fair lo ti duh tan chuan a fair lo khawp a. Malsawmna dawng ve lo a in ngai te pawh hi dem theih an ni chuang lo. 

" Hming" rawn ti ri vang chuan ka hawi phei vat a. Rosy ka hmuh chuan ka nui ver ver. " I van lo thleng har em em" ka lo ti nghal vat a. " Sawi pawh sawi suh, zingkarah buhfai vengthlangah kan zuk dah lawm" a ti nang nang a. Ka lo nui hak. " Kal phawt ang" tiin book café lam chu ka pan pui nghal daih.

Ka hming chu Lalhmingmawii a ni a, kum 26 ka ni, ka nu leh pa te hi party naah an chesual palha chu ta ṭang chuan ka lo piang ta a. Sâwn ka ni tihna ang a nih chu. Ka nu hi drugs addict a ni zui a, ka pa lah khan fanu a nei tih pawh a hriat zui ka ring lo. Ka chanchin hi sawi nuam ka ti lo a, ka best friend Rosy-i ngei pawh hian a hre thui hran lo. Keimah tawp hi bang chhah takin ka in dang tlat. Ka chanchin hi mi'n ngaihven lo se tih ka duh a, mi chanchin pawh ka ngaihven ngai hek lo.

Kan kal pah chuan kan ti ti mai mai a. " E tak a! Hruaii leh James an in date an tiin ka hria" a ti a. Ka nui hak. " Chuan?" Ka lo ti a. " I na lo mi?" A ti hû a. Ka dar ka chhin ak a, " Nat chhan tur ka nei em ni?" Ka ti a, " Heyy nang hi i â mi? Mumang nen i rawn tho nge?" Tiin mak ti takin min en a, " Pangai rawh, a ho tuk. Ani chu ka nunhlui a ni tawh" ka ti liam puat a. Mak ti deuh takin min melh a.

Book café kan thlen chuan kan chhiar duh ber chu kan zawng ta a. " Keichu a, a mak ka ti. James kha a ti awm ang lo e" a ti leh ṭhin a. " Duh tawk teh, ani te mai mai buaipui na hun ka nei lo nia. Assignment ka zawh vat a ngai zawk a nia." Ka ti a. Ani pawh a ngawi zui mai. Mahse a ngaihtuah zui tih a hriat viau mai.  

James chu ka tleirawl lai ngaihzawng a ni a. Ka la thutak viau bawk a, mahse kum 2 kan inzui hnuah sâwn min thlak sana. A sâwn thlakna nu chu neih a duh vangin min ṭhen a. Mahse a nei leh chuang hlei lo a. Min ṭhen nan dawt a phuah chawp a nih ber chu. A hun lai kha chuan ka na em em a, chaw te pawh ka ei thei lo ka taksa pawn a tuar viau. Mahse ka move on tawh, kha ta ṭang khan mipa hi ka ring thei tawh hlawl lo. In ngaihzawnna lam hi ka buaipui vak tawh lo.

" Mahse Hming a mak e, a awihawm loh zawk ka ti. Engtin nge.." a sawi zawh hmain a mitah tak chiang kel kawlin ka melh a, ka mitmeng aṭang a hrethiam a ni teh chék ang chu a ngawi zui hmak a. " Engah mah ngai suh" tiin a lehkhabu bawk chu a bih zui leh daih a. Keipawh ka nui sak. "Theihnghilh daih rawh Rosy, ani chuan ka nunah pawimawh na a nei tawh lo tih chiang la. Haw zui duh suh, ka engah mah a thawk tawh lo tih hria la, khang hun lai kha chu theihnghilhin haw duh tawh suh. Ngaih khatah ngai hmak rawh" ka ti a. Ani pawh a bu nghat.

" I tawrh dan zawng zawng kan hmu ve vek a, hmangaihtu thinlung aṭang chuan a na êm asin" a ti ve a. Ka hrethiam ve tho.

Kan duh ang kan hmuh hnu chuan University lam kan pan leh a. Kan thlen chuan class lam kan pan nghal a. " Babe in lo van thleng har ve" Luna chuan a lo ti a. " Assignment project work kan zawng" ka ti ve a. A râwl a ring bawk a, a khêk ring leh asin. 😹 

" Chuvang nih dawn chu. Rosy-i lah kha a hmanhmawh leh dawn miah si lo a" a ti leh a. Rosy-in a lo hre ve leh sia. " Awi ngawi mai mai teh Lalrohlu ka buai zia hria la chu e" a ti a. Ka lo nui hak. Luna hi class-ah chuan ka kawm nasat ve ber a ni. " I buai ziah lawm, nula pui tawh si hi chhungkaw chhehchhawl leh chhungkaw tlangval i ni tlat a" a ti leh a. Hei hi chu a dik deuh tak tak. An chhungkaw tlangval neih chhun hi a ang ṭhin tawp a chang hi chuan.

" Ninawm ee, naktuk chu keimahin ka awm dawn a. Lo leng ula" ka ti a." Chakawm khawp mai. Mahse naktuk chu bazar ka ngai a, ka patea fanu kha a haw dawna bazar pui a ngai a" Luna chuan a ti a. Ka bu nghat a, ka chhang zui tawh lem lo. 

In ka thlen chuan tumah an lo awm lo. Ka room lam ka pan zui nghal a. Ka nu nen hian in kan luah hrang ve a. In tih lemah flat a ni ber ang chu, chuan in puiah ka pi leh pu leh ka cousin Cedric (Harry Potter te in en ve ngai em?) te nen an awm a, ka leng phei deuh reng zel. Ka pi leh pu hian min duat em em a, ka unaupa pawh hian min duat over. Nakinah chuan ka pi te bulah ka la awm daih ang.

Ka inbual zawh chuan eirawng ka bawl zui nghal a. Eirawng bawl chiam te pawh hi ka peih lo. Mahni bawkin ka ei leh tho sia, artui kan mai te hi ka duh ṭhin. Mahse ka bawl ve ziah tho. Keimah chauhin ka ei ziah bawka. Roomah chuan lutin phone ka charge ka va la a. Ka chhuah leh chuan mi pakhat hmaituam hi a lo ding run mai a. A palian ang si. Ka thin a phu nghal zaih zaih a. Ngawi rengin ka en reng thung. Ka lam panin a rawn kal ta mai. Ka che sawn thei tawh lo, ka ke chuan chhuatah chuan zung a kaih ta emaw tih turin a nghet tlat.

A kekawr hnunglam chu a zen a, silai a rawn phawrh ta mai! Ka lama a rawn tin rualin ka inher thuta au ka tum taa ka au hmain ka hmui a rawn hup. Ka tal vak vaka a kut chu ka thei tawpa nain ka seh sak a. " Aihah Hming keimah Lucas" a tih chuan mak ti deuhin ka en a. A hmaituamna a lak thlak chuan ka rum nghat. Lalramdina lek! He pa hi ka pu ṭhianpa tupa a nih leu luau hi. Kan inkawm ve ṭhin a, mahse phai lamah lehkha zir tura a kal tak avangin kan in be ngai ta lo. A lo haw nih dawn hi. Ka ṭhi butterfly lem locket chu ka hum vang vanga, he thil hi ka tet lai aṭangin ka awrh tawha, engvang nge chu ka hre bik lo a. Ka hlauh viau chang hian ka hum a, ka hahdam leh sawt zel.

"Ramek, Ramhmelchhia hmelchhe pa, min ti hlau lutuk chhaw kung" ka ti tan tan a. A la nui vur vur zui. Hmela hi ka va han ngei tak. " Nui suh, lungphu chawlin thi se min ti mi mawla" ka ti nghek a. "Ok sorry sorry, ka kut hi i seh thi nia aw" a tih chuan awih lo zetin ka melh a. Sofa-ah chuan ṭhu thlain a kut lam chu a bih ngur a. Awih lem lo deuha ka zu bih dek dek chuan min kuah thutin sofa-ah chuan min bawh bet run a. "Hahah ka chak(win)" a ti a. A awmah na zeta namin " Mawla kal rawh" ka ti vak a, a awmah ka chum dawt dawt bawka a palian si ka hneh lo achha chu a ni e.

Ka hah ṭan a, tum pawh ka tum peih tawh lo. " Khaw maw teh tho teh, ka thaw ṭha thei lo nia" ka tih chuan a tho ve nghal vat. Thawk ka la ham hama." Engtik nge i lo thlen a?" Tha deuh chuan ka ti a, choka lam ka pan bawk a. " Vawiinah ka rawn thlen veleh ka tlawh hmasa ber che" a ti a. Ka nui hak. " A awihawm e" ka ti a. A nui ve hawk.

" I pu ten chaw eiah min sawma, lo phei ve rawh aw." A rawn ti sur sur a, ka lo melh hrep. " Kal mai teh a" ka lo ti hlak a. " Mawhhh nangin min kal pui loh ten" a ti leh a. " Naupang pawh i ni mi? Nangmahin va kal ve mai la, nidangah pawh i kal ziaha tuna taka kal ngam loh thut thu a awm lo" ka ti leh a. " Come on" tiin ngen ngawl zetin min melh a. " Kal mai teh" tiin a rukin ka nui a. Ka hnungchhawn a. Ka nui dir char char.

" Heyyy Mawi i ṭap ami ti nge?" Tiin ka hnungah a rawn ding a. Ka lu ka lo thing mat mat a." Ka awih lo, lo hawi teh" tihpahin ka darah a rawn vuana min kawih her a tuma. Mahse ka ṭang ve tlat. Min thlah leh a. Choka aṭang chuan a chhuak ta daih a. Keipawh fridge hawngin siam leh tur ka zawnga, mahse engmah siam belh ngaiin ka hre leh ta lo a. Ka din chhuah hnu lawkah ka hnung aṭang. " Chawhmeh siam vak duh suh, i pu te inah chaw kan ei dawn ka tih chu" a rawn ti thut a. Ka phu leh zawk. Ka ṭhi ka hum a, thawk ka lak vang vang hnuah a hnungah ka chum pawpa. A er ngang ngang mai. 

" Mâwi phei ang, hei apu'n min lo call tawh nia" a ti a. " Ninawm kal rawh" tiin ka room lamah ka chho leh te te a, kawrlum lain ka sam ka ṭawn ṭha zuai a. Ka chhuk lehnghal. " Phei ang nih chuan" ka ti a, a nui vur vur mai. In kan kalh hnuah ka pu te in lamah chuan kan phei ta a. Kawnga kan kal lai chuan " Hming i ṭhiannu kha a single em?" A ti a, " Tu Rosy-i maw?" Mak ti deuh takin ka ti let a, Rosy hi chu a duh ka ring tlat lo. Thau ve lampang a nia, chutiang chu Rameka duh chi an ni lo.

" Aih, Luna kha" a ti a, " Ka hre nang, a single ang" ka ti mai. " Yes! Ka bem ang" a ti a, " I play vel mai mai ang e aw, nang lah hi i lerh ropui mai bawk si" ka ti leh a. " A ho e."

" A ho miah lo aw, khatianga i tih vang khan hmeichhe pakhat nun pum i ti chhe thei tih i hria em?" Ka ti a, min chhang loa keipawn engmah ka sawi zui tawh bik lo. Apu te in kan thlen chuan a lut chiah chu " Ka ril a ṭam tawh teh mai nia" a ti lut lawng lawnga. Keipawh ka lut ve chiah chu kawngka biangah ka inchhuih a, ka pai lut deuh nawk.

" A va mak nawk nawk ṭhin ve ka nau" U Cedric-a chuan nui var var chunhin a rawn ti a. Ka nui sak. " Nia, ka phur lutukin kawng en na chang pawh ka hre lo nih hi" ka ti ve mai.

" Hei kan Ramhmelṭhaa hi a ril a ṭam tawh nih hi, chaw ei siam nghal r'u." Ka pi chuan a ti a, ka lo ner sak. " Kan Ramhmelṭhaa han tih kher, a'n ṭhat loh teh lul nen hian." Ka ti zui nung nung a," Engtin maw i tih a? " Ka pi chuan a rawn ti leh ka thusawi a lo hria mawni dawn le." Eng ni lo e" tiin chaw ei chu ka siam pui ta a. 

Chaw kan ei lai chuan ka pu'n " Bawihte i nu a rawn haw em? " A ti a," Haw lo, tunkarah ka la hmu lo." Ka ti nghat a, a mak tak tak a ni, ka pu hian ka nu awmdan hi a sawisel/hauh vawikhat pawh ka la hre lo, ka pi te pawh hian an sawisel ngai lo. Kan nufaa kan inhauh pawn an inrawlh ngai lo, mahse min duat em em tho.

Chaw eikham hnu feah Lucas pawh chu a haw a, keipawh ka haw phei ve nghal. Kawngka a la inkalh a, ka nu chu a la haw lo phawt a nih dawn hi. Ka hmai te phihin mu turin ka intintuah ta a, ka nu chu tikhan a rawn haw hun hunah a rawn haw nimai.

Lucas chu kan University-ah a lo kal ve nghal dawn tihna mawn le? A a ho ka buai peih lo. Zingah chuan ni êngin min ti harh a. Ka ṭhu chhuaka, khum mawng lama ka sana tar chu ka en a, dar 7:00am a lo ri tawh. Thoin ka inphih faia. Ka chhuah chuan tumah an lo awm lo, awm turin ka beisei bawk hek lo a. 

Nimim tlaia chawhmeh ho kha ka tilum leh a, chaw ka chhum leh a. Chaw a hmin hnuah ka siama, ka inchawi mai aniang chu. Ka ei dawn lai takin ka nu a room aṭang a rawn chhuak a. " Bawihte chaw i ei der tawh elo?" A ti a ka bu nghat. " Vawiin lamah eng nge i tih dawn?" A ti a, thleng lain chaw a in khawrh ve nghal bawk. " Class ka kal leh ang" ka ti ṭha mai a. " A nih chu, chuan Lucas a lo haw in ka hriaa" a ti a. " Um lo haw lawm" ka ti leh, chaw ka ei zawm mawlh mawlh a. " Lucas hi i duh em?" A ti thut a, ka chaw ei lai ka hak ṭhelh.

" Nu!" Ka ti hrawk a, a nui kur kur. " Chutiang zawngin ka en loa, ani pawn min en lo bawk chiang em?" chiang takin ka ti a. A nui mai mai.

Chaw eina te ka tih fel zawhah ka inbuala, insiamin ka chhuak zui nghal a. Ka pu te in lamah ka phei leh phawt. Lucas pawh lo awm leh kawr tawh, " Bawihi hei i unaupa hi in university-ah a lo lut ve dawn tih kha i hria em? Rawn sawm che a tum chiaha, mahse kha i lo kal ta bawk a a lawmawm e" ka pu chuan a lo ti nghal bawrh bawrh a. 

" Nih chuan kal ang ka hmanhmawh nia" tiin ka sana bun chu ka bih zauh a, ka tlai dawn tak ngial. " Lalramdin hmanhmawh teh" ka ti vak a, nui chungin a tho ve mai. " Kal ang ka hmanhmawh class ka miss dawn, pi pu bye bye u aw" ka ti sawk sawka. Lucas lam chu ka hawia, pawn lamah ka chhuak nghal. 

" En teh ka hmanhmawh nia" ka ti a, bu nghutin bike a start nghal.

Kan thlen chuan hmeichhe hoin min en duh ngei mai, Rosy engmah ka hrilh si loa, min lo nghah lo hram ka beisei. A bike a park fel zawh hnu chuan ka chhuk vata, nghah pawh nghak loin class lam ka pan hmawk hmawk. " Hming lo ding teh" a rawn tih vang chuan ka han nghak leh rih. A hmanhmawh lo nasa mai sia maw.

" Eng nge i buaina?"

En pawh min en loin Papuii te thianho lo lut mek chu a lo en daih. " Ka class tur pawh ka hre loa" ka thaw hak.

" Ninawm min lo zui rawh" ti nghatin ka kal leh nghal, ani pawh chuan min rawn zui ve mai. Ka darah min rawn la kuah zui, ka hniam vang hian ka lu a a ban dah te hi a ching roh a. Ka ngei thei nia aw. Hmeichhe ho chuan min melh hrek hreka, thenkhatin zawhna nei mitmeng deuhin min melh bawk. Class kan thlen chuan ka thutna lam ka pan nghal a. Ka hah lutuk.

Rosy chuan mak ti deuhin min melha, Rohlui pawh chu ti tho. " Hei hi Lucas ania, vawiin atang a lo lut ve dawn a. Ka tet lai thian a nih ve hi" duh dah ang reng tak chuan ka ti a. An in chibai hnuah Lucas chuan min lo enin " Hming khawiah nge ka thut dawn?" mit min siai zeuhin a ti a.

Ka hawi kual a," Tlar hnunglamah sawn" tiin a hnunglam chu ka kawka. Ani pawh tha deuhin a phei ve mai. Ti khan thian a nei leh mai ang, thian siam a harsat lo. 

Professor a lo kal loa, midang chu an bengchheng ang reng. Rosy leh Luna-i an titi a, kei erawh ka nu zinga a awm dan kha ka ngaihtuah daih thung.

Nidangah chuan inah lo haw se ka thil tih dik loh lai a hmu thei em ema, ka tih dik loh lai tak a rawn point out chat chat a. Ka tihfel loh lai a sawisel char chara, ka thil tih fel ho kha a hmu ve thei lo. A mitah chuan ka thil ti leh tih loh a inang reng.

Mahse vawiin zing erawh a danglam khawp mai. Harh tharna a chang thut a mawni le te ka ti. 

Ka awm a nawm chiah loh vangin ka bag chu lain ka chhuak daih a. Rosy te chuan min ngaihtuah zui ka ring chuang lo. Gate ka chhuah dawn chuan ka hnunglam atang hian min rawn kuah a, " Ti nge i chhuah daih a?" A ti a. " Ka awm a nuam chiah lo a" ka ti tha ve mai.

" Ka thlah ang che" a ti leh a. Ka hnial ta lo mai, ka awm a nuam chiah si loa scooty ka keng bawk si lo nen. Bus-a han chuan vel chu ka peih chiah lo.

 A bike dahna kan thlen chuan a start a, ka hawi kual chuan James-a leh Hruaii lo phei ka hmu fuh ta. Aaaa!! Tunah tak hi chuan ka hmu peih lo asin. Ramdina helmet chu ka la lawka ka khum hmak. Engvanga tianga che nge ka nih pawh ka hre lo e a. Ka lo la move on tak tak lo anih dawn hi.

" Eng thil" a sawi zawh hmain James leh Hruaii te lo kal phei lam chu ka thle zauh a, a va hmuh chuan hrethiam lo mitmeng deuhin min melh a. " Kal phawt rawh, nakinah ka hrilhfiah ang che" ka ti sap a. Ani pawn zawhna dang min zawt tawh loin a tlan chhuak nghal vang vang.

In chhung kan luh veleh " Sawi fiah tawh rawh le" a ti dam thlap a. Ka thaw hak a. Kan chanchin chu ka hrilh ta a, a chek tlat tlat. " Hmela chu tuai a nih chu" a ti hmak. Ka lo nui thung. A haw hnuah inthlakin in ka ti fel a. Ti hnawktu kan awm lo bawka tih fel ngai em em hi a awm hran thin lo.

Ka nu rawn haw chuan eirawng ka bawl peih vek tawha hun rei tak hnuah tlai chaw kan ei rual ve leh ta. Kan eina te ka sil zawh chuan thingpui ka chhuang a. Ani erawh chu sitting room-ah TV a en thung. Thingpui chhuan a so chuan gas ka off vat a. Thingpui bel beng chu ka kutin ka hrut palh a, thingpui chu a baw ta mai a. Ka nu a rawn phei vat.

 

" Eng a ti nge?" A rawn ti vin thak a. " Ka kutin ka lo hrut palh a. A bua lawm le" ka ti tha mai a.

" Thil hi tha deuhin ti ve ta che, thil hi i ti hni hne a. A run dalah i ti mai maia, a tak tak hian i ti ngai lo hrim hrim" a ti bawrh bawrha. Ka thin a ter ve at. 

" Nangpawh eng nge i nih bik? I fanu ai zu i thlanga i rui renga ka thil tih engmah i hre ngai lo, ka tet lai atang min ngaihtuah ngai lo. Hmangaihna pawh i pianpui lo" ka ti hrep a. 

Ka biang a thip nghal sawk. " Eng maw i sawi a? I tet te atang ka chawm i nia sin" a ti khur hlak hlak a. " Ni e min chawm chu i tih tur alawm min neia ka nu i ni miau a. Ka tet lai atang nu hmangaihna ka tem ve chhin ngai lo asin" ka mittui rawn tla tur chu ka dang kir hram hram a.

" I mit tlung thei turin nasa takin ka thawka, lehkha ka zir a. Engkim ka ti thin mahse nang chuan ka tih dik loh lai bak engmah i hmu thei lo" tiin ka tlanchhuak a. Ramdina lo lut tur nen kan intawka mahse ka ding lo.

Ka hma lamah chuan ka tlan mawp mawpa, ka mittui lo luang chu ka hru tawk a. Footpath-ah chuan ka ding ta a. Ka awm tawt up up chu tih reh tumin thawk ka la vang vanga. Khatiang khan ka nu ka tawngkhum hi ka ring ngai lo. Mahse a eng emaw ti zawng tak chuan ka thawl hawk thung a.

Bike ding ri dat vang chuan ka ngaihtuahna atang ka harh zawk a. Ka hawi let chuan Ramdina hian min en reng a. Ka nui sak. " Ti nge min lo zawna? Ka lo haw ve mai dawn lawm" tiin ka nui luia. Ani erawh chuan chik zetin min en thung. " Rawn zawn che a ngai miaua lo chuang rawh" a ti nghut a. " Ka duh lo" tiin ka inher a ka kalsan daih. Ka awmdan pawh hi in hriatthiam loh chang ka nei thin.

Vawi leh khatah ka kang nawlha. " Hmela Lalramdin min dah thla nghal rawh" ka ti tuara. Ani erawh a ngawi reng thung. Bike-ah chuan min thut tirin helmet chu min khum tira. " Hmeichhe kawlh lutuk" ti supin ka helmet khum chhanah a rawn kuk a. 

Damdawi ina min kalpui chuan mak ti deuhin ka melha. Min kaiin casualty-ah min luhpuia. Ka nu oxygen vuah chunga mu chu ka hmu a, ka phu deuh zawk. Eng nge awmzia? A bulah chuan ka zu thu thlaa. " Nu eng nge awmzia?" ka ti sapa ka mittui rawn luang chu ka hru peih lo. 

" Lucas-a inchhunga ava luh khan i nu hi thaw hahin a va hmua damdawi in a panpui nghal a nih hi" U Rema (Cedric-a kha) chuan a rawn ti a. Ka bu nghat. " Ka thiam loh a ni. Lo ankhum lo tur ka nia sin" " Bawihi ti rawh u inah i haw phawt ang, i nu chu hei Rema hian a lo awmpui dawn lawm" ka pu chuan a rawn ti a. Ka lu ka lo thing vat. " Aih ka kalsan duh lo" " Mahse bawihi thil pawimawh tak hrilh tur che kan nei asin" 

" A pawimawh over tawp khawk a nih loh chuan ka ngaithla duh lo"

" A pawimawh viau a ni. I nu thuruk a nia" a tih chuan ka thu ngil awt. 

" Bawihi kan thu sawi tur hian a thawng viau maithei che a, mahse hre ngei la kan duh si a ni." Ka pu chuan a'n ti hmasa te te a. 

" I nu hian pawngsual a tawk a ni." A tih chuan ka meng kawk. " An thianho an picnic tumin a nia, a hrai ruia chuan motor chhungah a pawngsual ta a. A pawngsualtu pa pawh chu i hre lutuk chuan chu chu i pa a ni bawka. Mahse i nu khan min hrilh ngam loa, a rai tih kan hriat hnuan a sawi chauha. Mahse mualpho ka hlauh vangin mualpho ai chuan tiin FIR ka theh lut ta loa. Mahse mi chuan min sawi ta sep sep thoa, a fanu hi a chhuan ve theih tehreng nen a rai sia ti ten an sawia FIR lo theh lutin mi hian thudik hre zawk ta se tih ten ka ngaihtuah leha mahse thehlutin hria pawh ni se ' A inchei dan in a zir lo niang chu' ti zawngin an tawng leh tho dawna ka hriat vangin ka sawi ta lo law law a. Chuan nang i lo pianga i nu khan a duh ta tlat lo che a. Zu leh sa lamah a tal hiar chho ta a ni." A ti ta a. Ka khawvel hi vawi leh khatah a vir tawp thut nimaiin ka hria.

Ka chil ka lem khawlha. " A nih chuan tu nge ka pa chu" harsa ti zetin ka ti thei hram. " Ani chu i pa Thanga fapa Benjamin-a khi a nia" a tih leh ngat phei chuan ka thi lo chauh. A va han mak tak em. 

Ka ding hluaia. " I va mak ve, mualpho hlauh vang maiin i fanu nun tih chhiat sak tu lakah pawh case i file ngam lo amaw" ka ti thawt a. A ngawi renga ka pi zawk chuan " Bawihi insum teh" a lo ti a. " Nangpawh i fanu tan i pen chhuak ngam lo amaw, i fanuin dikna a chan theih nan i pasal doin i tawng chhuak ngam lo amaw. In lo mak hle mai" tiin ka room lam ka pan a. 

Kawngka kalhin ka khumah ka bawk thlawp, ka mittui a dir zung zunga. Ka nu nun chu a lo va hreawm dawn tak em. Engmah hre loin ka lo la dem ve vak vak zuia, ka va han inchhir tak. 

Kawngka chu an rawn kika hawng turin min ti cham chi bawk ka hre lo der tlat. " Hming lo hawng teh, sawi dun ang" Lucas-a aw hian a rawn ti a. " Ka duh lo kal bo rawh u" 

" Kawngka i hawn hma loh chuan ka kal dawn lo" a luhlul zia hre tu ka ni a. Thaw hakin kawngka chu ka va hawng a.

" Hming hriatthiam tum teh, i pu te hian i nu an venthawn pui vang chauhin asin engmah an sawi loh" a ti a. Ka nui hul hak. " FIR a theh lut ngei zawk ang chu" ka ti sap a. Engmah erawh a sawi zui tawh lem lo.

Kan ngawih dun vang vang hnuah " Haw rawh ka mu duh" ka ti a a tho chhuak chuang lo. Ngaipawimawh duh loin khumah chuan ka inthawlh kaka. Ka ngaihtuahna a vak kual thui khawp mai.

Khumah chuan a rawn mu ve a. Ka lam hawi taka a rawn mut vangin ka inlet a. A awm lohna lam ka hawi hmak.

Min rawn kuahin min kuai her a. Rum zetin ka melh. Tawng ka tum lai takin min rawn fawp ta maia! Ka meng phawk ngawt ang. Rei lo te hnuah min thlah leh mai thunga.

 

Sawi tur pawh ka hre lo. " Ka duh che" a ti sup a. Ka hamhaih rih viau a ni. "Eng vangin?" "Hman atang khan ka duh tawh che, duh loh che ka tum avangin alawm ka tlanchhiat. Mahse awmzia a awm theih loh vangin ka rawn haw leh" a ti thawp sata. Ka nui ringawt.

Ka phone a rawn rik ve chiah chuan ka ban vat, U Rema tih ka hriat chuan ka la vat a. " Bawihi hei i nu chu a lo harh a nichin deuh khan, tunah a mu leh chiah aw. A tha rawn ngaihtuah suh" a rawn ti a. Ka hahdam huai mai." Aw le mangtha u aw" ka tih hnuah phone ka off a.

" Duh loh che har zia hi i hria em? " A ti sup a. Ka nui ringawt.

" Mu rawh le" tiin min rawn kuaha." Lawk ka puin FIR a theh luh loh chhan chu min hrilh fiah la" ka ti sap a." Nakinah ka la hrilh fiah ang che mu phawt rawh" tiin min kuah nghet sauh a.

Keipawh mutthilh tumin ka maimichhing ve a. Mahse ka ngaihtuahna erawh chuan ka pu case file loh chhan mawlh kha a ngaihtuah. Eng vang nge niang le?

A TAWP TA.. 😂

Awi zankhat ka phur thutin ka ziak a, ka phur chang changin ka ziak leha. Ka ziak zo der. A ngaihnawm lohin a lem ngawt ang. Zan ka mut theih loh changa ka ziah thin a nia. Min lo chhiar saka ka lawm tho e. 😄☺️

Ka edit lo.😁